يا ساري الناس أجناس

[فزاع]

هذه قصيدة وجهتها لابني البكر ساري اتكلم له فيها عن أجناس الناس فيها نصح و تحذير أرجوا أن تنال رضى الجميع
والسموحة على اي قصور:

ترى فـي النـاس أجنـاس و طبايـع=واحـدن يصخـا و واحـدن يجافـي
واحدن يعف نفسه ولـو كـان جايـع=وواحـدن متخـوم ولا يقـول كافـي
فيهم شجاع وسيوفه كما البروق اللمايع=إن جيته بضيق قـال عونـك ويافـي
عزيـز نفـسٍ ممتنـع مـا يخـايـع=صيده سمـان مـا يصيـد الضعافـي
ما تهزه نوايب الدنيا سودها والروايع=قرمٍ إلى عـدّو أهـل الجـود وافـي
بمعانيه وسلومـه وجـزل الصنايـع=يلمـع لمعـة سهيـل ماهـو بخافـي
وفيهم خسيس نفسٍ ما يجيب الا شنايع=لا حـدٍ يجيـره ولا يلـفـاه لافــي
ثمه مـا ينفـث الا سمـوم و لقايـع=وعلومـه غيبـات وحلوفـه زيافـي
يـا سـاري لازم بينيـن الشـوايـع=ترا الردي ما يلفظ الا سـمٍ زعافـي
والحمد لله لي خص بعـض البقايـع=وبحمـده كتبنـا بـعـض القـوافـي
والصلاة على سيد البشـر والجمايـع=محمد نسل هاشـم راعـي العفافـي

وسلامتكم

[ابومحمد الشامري]

صح لسانك يا ابو ساري على القصيدة المعبرة والله يخلي لك ولدك ساري وتحضر عرسه ان شاء الله

[فزاع]

صح بدنك أخي أبوحمد
والله يعزك ويثيبك بالمثل يالاجودي
تشرفت بتصفحك وردك العطر.

[ليــه يازمـــن]

صح لسانك على القصيدة والله يخلي لك ولدك ويتــربى فــي عــزك يــارب

[الوافـيه]

الله الله الله


صح لسانك ملايييييييييييييييين

مبدع لله درك

في انتظار القادم

تحياتي

الوافيه

[الغروب]

الاخ فزاع

نظمت فابدعت ,,, قصيدة جزلة وتحمل معاني سامية

وحفظ الله ( ساري ) واقر به اعينكم

تقديري.

[فزاع]

ليه يا زمن صح بدنك
وتسلم على مرورك وردك الطيب يالسنافي.

[فزاع]

أختي الكريمة الوافية
صح بدنش وشاكر مرورش واطرائش اللي أسعدني.

[فزاع]

الأخت الفاضلة الغروب
صح بدنش وأسعدني مرورش
وأمنياتش الطيبة.

[هادي بن فهاد]

الله الله
فـــزاع صح لســانك