يا ساري الناس أجناس
هذه قصيدة وجهتها لابني البكر ساري اتكلم له فيها عن أجناس الناس فيها نصح و تحذير أرجوا أن تنال رضى الجميع
والسموحة على اي قصور:
ترى فـي النـاس أجنـاس و طبايـع=واحـدن يصخـا و واحـدن يجافـي واحدن يعف نفسه ولـو كـان جايـع=وواحـدن متخـوم ولا يقـول كافـي فيهم شجاع وسيوفه كما البروق اللمايع=إن جيته بضيق قـال عونـك ويافـي عزيـز نفـسٍ ممتنـع مـا يخـايـع=صيده سمـان مـا يصيـد الضعافـي ما تهزه نوايب الدنيا سودها والروايع=قرمٍ إلى عـدّو أهـل الجـود وافـي بمعانيه وسلومـه وجـزل الصنايـع=يلمـع لمعـة سهيـل ماهـو بخافـي وفيهم خسيس نفسٍ ما يجيب الا شنايع=لا حـدٍ يجيـره ولا يلـفـاه لافــي ثمه مـا ينفـث الا سمـوم و لقايـع=وعلومـه غيبـات وحلوفـه زيافـي يـا سـاري لازم بينيـن الشـوايـع=ترا الردي ما يلفظ الا سـمٍ زعافـي والحمد لله لي خص بعـض البقايـع=وبحمـده كتبنـا بـعـض القـوافـي والصلاة على سيد البشـر والجمايـع=محمد نسل هاشـم راعـي العفافـي وسلامتكم |
رد: يا ساري الناس أجناس
صح لسانك يا ابو ساري على القصيدة المعبرة والله يخلي لك ولدك ساري وتحضر عرسه ان شاء الله
|
رد: يا ساري الناس أجناس
صح بدنك أخي أبوحمد
والله يعزك ويثيبك بالمثل يالاجودي تشرفت بتصفحك وردك العطر. |
رد: يا ساري الناس أجناس
صح لسانك على القصيدة والله يخلي لك ولدك ويتــربى فــي عــزك يــارب:21t:
|
رد: يا ساري الناس أجناس
الله الله الله صح لسانك ملايييييييييييييييين مبدع لله درك في انتظار القادم تحياتي الوافيه |
رد: يا ساري الناس أجناس
الاخ فزاع
نظمت فابدعت ,,, قصيدة جزلة وتحمل معاني سامية وحفظ الله ( ساري ) واقر به اعينكم تقديري. |
رد: يا ساري الناس أجناس
ليه يا زمن صح بدنك
وتسلم على مرورك وردك الطيب يالسنافي. |
رد: يا ساري الناس أجناس
أختي الكريمة الوافية
صح بدنش وشاكر مرورش واطرائش اللي أسعدني. |
رد: يا ساري الناس أجناس
الأخت الفاضلة الغروب
صح بدنش وأسعدني مرورش وأمنياتش الطيبة. |
رد: يا ساري الناس أجناس
الله الله
فـــزاع صح لســانك |
الوقت في المنتدى حسب توقيت جرينتش +3 الساعة الآن 07:02 PM . |
مجالس العجمان الرسمي