الشاعر حمد بن سعيد ال مطيف ال الهندي( الصومالي) وقصيدة في ال عامر بعد الغريميل

[اليامي2]

العين تشكي وكن في طرفها ملة=
عقب المناعير نوم العين قاذيها=
مبدى الغريميل علمك وين عبدالله=
ياوين ربعن نهار الضيق ندعيها=
أنشهد إنهم هل النالات والشلة=
يستاهل المدح والنالات راعيها=
ربع نهار اللقا تروي السلة=
أسقوا هل الجيب مر عقب حاليها=
حرابنا في ظلام الليل نندله=
لو كان داره بعيدة لازم نجيها=
مانبغي الصلح لين البقع نحتله=
لين راعي الكرم يعرف قوافيها=
نبغي التقدم على اللي مالهم حلة=
نروي كبود ظماها باقي فيها=
ياطارش صوب مجخر بالخبر قله=
زيوده اللي دعـاهـــا لا يخليها=
ثلث مصوب وثلث لارحمه الله=
والثلث الآخر أسير عند حاميها=
حطواسلبهم على اللي حاضر وشله=
و مدرعتـهم خذيناها ومـا فيها=
نعرف طريق الخطأ والعمد والزلة=
قال المثل من حفر حفرة وقع فيها=
قل للطحامي وابن ثلة أو ربع له=
بلادنا ما اخبل اللي طامـع فيها=
حدك رشامة وجارد والسهل خله=
من كان عيا فيحضر والوعد فيها=
الحد صعبن على اللي ناوي حلة=
أجدادنا ما عطوها فكيف نعطيها=
لاتحسبنها سواليف على الدلة=
واكذابك اللي على ربعك تسويها=
يابو جديل على الأمتان منهلة=
غني لمن في اللقا يحمي مجاريها=
اللي حضر من الامارة والخفر كله=
واللي حضرمن مواطن واشترك فيها=

[عليل المحبه]

صح السان الشاعر / حمد بن سعيد ال مطيف ال الهندي

على القصيده

ولاهنت يالغالي على وضعها هنا

وعسى عمرك طويل

[اليامي2]

شكرا
على مرورك

[king الوادي king]

لاهنت على نقل القصيده الجزله وبيض الله وجهك على كل حال

وصح لسان شاعرها

[عبدالله آل عامر]

الله يرحم عبدالله بن شويل ومن استشهد معه في هية الغريميل
:
صح لسان الصومالي على القصيدة الوافية
:
لاهنت ياليامي 2 على نقل القصيدة
:

[هادي بن فهاد]

لاهنت ياليامي 2 على نقل القصيدة

صح السان شاعرها

تقبل تحياتي