أبطيت ؟؟

[ناصر الغيثاني]

السلام عليكم ورحمة الله وبركاته
هذي أول قصيده أنزلها لكم في المنتدى وأنشالله تعجب الجميع

أبطيت منـي والفكـر مشغلنـي=ويالله عسى لا أبطيت ماتنسانـي
قلبـي خذيتـه دون تستـأذنـي=وأنا معـا قلبـي تـرى مجانـي
ماتدري أنـك بالغـلا ساحرنـي=سحر(ن) يشوق العين والأذهاني
وماتدري أن بعدك تـرى جننـي=وطاريك لا عرض علي سرانـي
ويسري بي الهاجس مساري جني=فالعالم اللـي يسحـر الأعيانـي
وأشوف شي(ن) فيـه مايذهلنـي=شي(ن) يشيب العين والحجانـي
يمكنـي ألقـى فيـه مايسعدنـي=اللي يزيل الضيق لامـن جانـي
ويمكني ألقـى فيـه أو يمكنـي=ماعاد أدور غيرك أحد(ن) ثانـي
بس البـلا لاعـاد تبطـي منـي=ولا أبطيت مني عفت أنا العرباني
ولاعـاد تثنـي غيبتـك دامنـي=أخلصت لك ماتكتمـه ضلعانـي
غديت دار وجيشـك أستوطنـي=وسيطر على زعامة السلطانـي
هل قد علمت أن الغـلا دمرنـي=أو قد علمت أن الغلا أستولانـي
أو قد علمت أن الغـلا يكتبنـي=قصيدة(ن) تصغي لهـا الأذانـي
وأسمع كلامي كانـك بتفهمنـي=وركز معي يالصاحب الخسراني
لاعاد يدوي بـك زمانـك عنـي=دوايـة اللـي فالهـدد شبعانـي
أن غبت وأنت مطـول خبرنـي=ويالله عسى لا أبطيت ماتنسانـي

وسلامتكم وأعذروني على التقصير
اخوكم / ناصر الغيثاني

[((الغنج))]

صح لسانك

ولاهنت على القصيده المميزه

وما جا منك قصور يا عريب الجدود

تحيتـــــــــــــــــــــي لكـــــــــــــــ

[ناصر الغيثاني]

الغنج

صح بدنك ولاهنتي على المرور

[ليــه يازمـــن]

صح الله لسانك على القصيده الطيبه ياطيب

[ناصر الغيثاني]

ليه يازمن

صح بدنك

شرفني مرورك

[فـهـيـد الــHــتــلانــي]

صح السانك وبيض الله وجهك ...

[محمد الغيثاني]

لاهنت يا ناصر ... مبدع ومتميز

في انتظار جديدك ... ولا تبطي

[ناصر آل ذروه]

صح السااانك

وتقبل تحياااتي

[يوران]

أن غبت وأنت مطـول خبرنـي = ويالله عسى لا أبطيت ماتنسانـي

ابدعت اخوي ناصر


وصح الله لسانك على القصيده الرائعه


ولاهنت يالشاعر

[ناصر الغيثاني]

فهد الHتلاني
صح بدنك
ومشكور على المرور