ابيات في الفنجال والقهوة

[مايصح ألاالصحيح]

السلام عليكم ورحمة الله وبركاته
اسعد الله اوقاتكم بكل خير

هذه نوادر مختاره قيلت في الفنجال ( اتمنى ان يحوز اختياري استحسانكم )





قم سو فنجال بعض ماه مبيـوت غر السحـاب منزَلـه مـن هللها
طبخة كريم طيب الهيـل منعـوت واحمس على جمر قد اقفـا شعلهـا
دقه بنجر وثولث النجر بالصـوت يجذب رجـال مـا نـدور بدلهـا


(هــادي الـشـعـرا )



يامسوي الفنجـال كثـر ابهـاره عده لابن عران واثنه لابـو ذيـب
وضويحي الجروي متيـه ابكـاره وجديع يا ستر البنـي الرعابيـب

(هادي بن شعوا الخنافـر))


فنجال بن خنتـه تقعـد الـراس!! والزعفران مقطـع فيـه تقطيـع
انا يعدا لـي ولـو فيـه جـلاس!! هراجـة المجلـس قعـود مهانيـع
اللي لهم همز ولمـز ووسـواس!! في ساقة الاجواد همـز وتراتيـع!!


(عضيـب بـن حشـر )


قم سو فنجال على خمسة اجنـاس احذر تجي حرقـه وبالـك نياهـا
خلك لها عن كل عذروب حساس قيس لها الطبخه على قـد ماهـا
حتى يجي فنجالها يجلـي الاعمـاس عقب الصلف والسهر مكبر غلاها


(مشـاري بـن ربيعـان )

ياما حلا الفنجال في كـل حـزه في مجلس ما سفـرو لـه بقـازي
واللـي يسويهـا صبـي مـنـزه شطر بها ماهـو سـواة الخنـازي


(عيد بن خلف العاصمـي)


ياصابيـن البـن صبـوا لناصـر صبو لـه الفنجـال قبـل يـذاق
يركب على صفـرا نظيـر نايفـ هويحلب لـه عنـد العتيـم فـواق


(حويـدي العاصـمـي )


قم سو فنجال ترا الراس منـداش لعيون من قرنه على المتن مرجـود
في دلـة مربوبـة كنهـا الشـاش وبهارها كف من الهيـل والعـود
الهيـل كثـر ولاتوانـا ولجـاش والزعفران اقنع على شذرة العـود


(مشعـان بـن هــذال)


قم سو مايجمد على الصين ياذياب بدلال وصف للقطـاط المحاديـب
ونجر يصيح وللمساييـر جـذاب دنه على طول الدهر للمواجيـب
اليا ذلق فنجالهـا كنـه خضـاب ورسى صبغ بكفوف بيض الرعابيب


(هايـس بـن مـجـلاد )


ياما حلا الفنجال مع سيحة البـال في مجلـس مافيـه نفـس ثقيلـه
هذا ولد عم وهـذا ولـد خـال وهـذا رفيـق مـا لقينـا مثيلـه





(راكـان بـن حثلـيـن)



والله لـولا مـزة العظـم مـره وفنجال بن عشـرَ عفـر بهـاره
لا اخذت من زين الغلاوين جـره اتبعتها الفنجـال يطفـي حـراره
من واهج بالصدر ياكـود حـره لا فار يضرب بالنواظـر شـراره


(مـحـمـد الـعـونـي)


صبـه ومـده ياكريـم السبالـي يبعد اهمومي يوم اشمـه بالانفـاس
فنجال يغدي مـا تصـور ببالـي وروابع تضرب بها اخماس واسداس



(محـمـد الـسـديـري)


ياسايق الفنجـال عـده لمـدوخ واثنه لابن صلال هـو والجـلاوي
وانا زبون الحرد ابـو ضيـف الله لا كلّح الشارب عـن الشفـاوي



(شليـويـح العـطـاوي)


قم قرب اللـي عنقهـا كنـه وزا انا لها من ضيقـة البـال منحـاز
فنجالهـا بيـن الشفايـا يـمـزا اشقر ومشروبه على الخمـر يمتـاز


( محمد الاحمد السديـري)


مع دلة صفراعلى النـار مركـاه وابصر بصبتها على شـف روحـي
فنجالها يشدي خضاب الخونـداه الجادل اللي عند اهلهـا طموحـي

(ذعار بن مشاري بن ربيعان)


الله علـى مـزة سبيـل العراقـي اصغر بجيك بلوذة التتـن مفـروك
وفنجال بـن ماهـواه الحراقـي وصينية يركض بها العبـد مبـروك
صبه لمـن يثنـي علـوم التلاقـي لاصار عند قطيهن ضرب بيلـوك



(الـنـوري الشـعـلان)


وتقبلوا تـــحياتـــــي

[مسعطر]

ما يصح إلا الصحيح .. بيض الله وجهك على الموضوع الرائع..

و إختيارك الجميل كما عهدناك

لكن عندي ملاحظة بسيطة على قصيدة الشيخ راكان ابن حثلين ..

المشاركة الأصلية كتبت بواسطة مايصح ألاالصحيح

ياما حلا الفنجال مع سيحة البـال في مجلـس مافيـه نفـس ثقيلـه
هذا ولد عم وهـذا ولـد خـال وهـذا رفيـق مـا لقينـا مثيلـه

(راكـان بـن حثلـيـن)

الشطر الأخير فيه غلط و الصحيح ..
( و هذا رفيق ٍ ما ندوّر بدليله )


تقبل مروري ..

[شيخة الغلا]

تسلم أخوي .. مايصح الا الصحيح

عالإختيار الجميل ..لك مني أجمل تحيه

تقبل مروري

[مايصح ألاالصحيح]

يا هلا ومرحبا واسعدني مروركم000

ألاخ مسعطر 00 والله اللي أعرف أنه

وهذا رفيقٍ مالقينا مثيله

وألا قد سمعتها

و هذا رفيق ٍ ما ندوّر بدليله

وسلامتك طال عمرك