لا قلت صلوا زادوا الكفر بعناد..و أنا ليا صليت قالوا سعودي... رشـيـد الـزلامـي

[مسعطر]

الله من صبر صبرته ولا فاد=و الصبر مر إليا تعدى الحدودي
يوم أتذكر ديرتي ديرة الأجواد=أهل الشرف و معربين الجدودي
ذكرتها بعد الرمايس و الأبعاد=و بدلتها بأرض عليه محدودي
وا طول هجري بين عيّاد و عناد=ولي عساها عشرةٍ ما تعودي
((لا قلت صلوا زادوا الكفر بعناد=و أنا ليا صليت قالوا سعودي))
و أنا أعترف بالحق مانيب جحّاد=موقع بالعشر مابغي شهودي
أنا سعوديٍ على روس الأشهاد=و لي الشرف يا باردين الخدودي
هذي وطنا من على عصر الأجداد=مهبط وحي ما دنسوه اليهودي
أرض العرب و أرض الديانة و الأرشاد=و أم العرب من يوم عاد و ثمودي

[الفرس]

لاهنت اخوي مسعطر على تسطير رائعة الزلامي

وسلمت يمناك ..


تقبل مني التحيه

[مسعطر]

لا هان من قال أختي الفرس.

و أشكرك على المرور.

[مسعطر]

:3rbe69: عساها تعجب الشيخة.

[مهرة النسيان]

رررائعه يامسعطر

هذي وطنا من على عصـر الأجـداد=مهبط وحـي مـا دنسـوه اليهـودي
أرض العرب و أرض الديانة و الأرشاد=و أم العرب من يوم عـاد و ثمـودي

صح لسانه ولسانك .

[شبيب بن فنيس]

صح السانكوالسان رشيد الزلامي

لاهنت يا مسعطر

على نقل القصيده

[مسعطر]

صح بدنش أختي مهرة النسيان.
و أشكرش على المرور.

[مسعطر]

صح بدنك أخي شبيب ابن فنيس
و أشكرك على المرور.

[سعود الخويطري]

مسعطر



صح الله لسانك ولسان الشاعر العلم : رشيد الزلامي





وأختيارك دائما في محله . . . مشالله على أبو جميل . . جمع ألابداع من كل نواحي



وتقبل سلامي واشواقي

[مسعطر]

صح بدنك أخي سعود الخويطري و أشكرك

على المرور و الكلام الطيب لا هنت.