محمد ابن الذيب(ياملعونة الخير)

[الخديدي]

«®°·.¸.•°°·.¸¸.•°°·.¸.•°®»بسم الله الرحمن الرحيم«®°·.¸.•°°·.¸¸.•°°·.¸.•°®»
هذي قصيده لمحمد ابن الذيب عجبتني وحبيت انقلها لكم .. يقول فيها!!

يالله مسى خير قلبي منقبض وشبه
من رهبة الناس والا القلب متطير
يامعير(ن) شوق قلبي روح وأنحشبه
مكينة القلب تصرف شوق يامعيــر
مثل رذاذ المطر مايحيي العشبـــــه
يحيي فواد المغربل شوقت نويـــــر
هنوف بدو(ن) طرف قلبي تعشعشبه
العين تشفق لها والخاطر مشيــــر
قالت انا فيه موضوع(ن) بدردشبه
قلت أرفعي الصوت لبي وجهك النير
قالت آخاف أتغير قلت ويلش به
اما التغيار لا ماني بمتغيــــــــــــــر
قالت قبل تبلش احساس وتبلشبه
تراه قطه وجه من عاده أصغير
لاتبلش القلب في حبك وتبلش به
بن آدم وان طال عمره عمره قصير
وتقول بعدين هذي والله النشبه
اعلمك بالحقيقه وانت عادك امخير
وطيت راسي وانا افكر وكنت أشبه
من حيرته السنين ومات متحيــــر
ومن ثم أخذت رشفه حنان آتنعنشبه
ولديت فيها النظر وقلت يانويــــر
لو قالوا الناس لك يوم(ن) ورح عشبه
حذفت عمري وراي وجيتك مسير
لكن لاكم(ن)مالك به خير وش لش به
لاتذيرين الغلا ويروح متذيــــــــــر
وقولى لرمشك اذا جيت آتحرشبه
يرحمني أشوي (ياملعونة الخير)

تقبلوا تحياتي
:6:

[سعيّد ابوجعشه]

صح لسان ابن الذيب وتسلم على النقل المميز يالخديدي

تحيتي للجميع,,,,,,,,,,,,,

[الخديدي]

اخوي سعيد والله اني سعيد بمرورك ..

[مهرة النسيان]

صح لسانه ,,
ولاهنت على النقل
وقولى لرمشك اذا جيت آتحرشبه
يرحمني أشوي (ياملعونة الخير)
>>عجيييييييييب
يسلمووو

[الخديدي]

حياش الله مهرة النسيان
ماشفتي من القصيده الا البيت هذا بس..
يسلمو على المرور

[محمد الشامري]

يالله مسا خير قلبي منقبض وش به &&& من رهبة الناس والا القلب متطير

يبقى الكنق كنق

صح الله لسانه ولسانك يالخديدي

ولاتخلينا من قصايد الكنق طال عمرك وعمره

ولاهنت على النقــــل يالسنافي

[الخديدي]

تحت امرك انا والله اخوي محمد ...
ابشر بعزك...

[مبارك الجوفان]

تسلم يالخديدي على النقل المبدع واختيار اطيب ما ينقل التميز مقترن باسمك واسمك مقترن بالتميز يعني اخوان
وصح لسان ابن الذيب الغالي في قلوبنا

[الخديدي]

مشكور على كلامك الى ينقط عسل يالذيب....

[مسفر مبارك]

صح لسان ابن الذيب ولاهنت يالخديدي