قصيدة اليامي مكتوبه (من يبشرني ويبشر بالبشاره = ومن تحداني بيتذكر كلامي)

[راكان اليامي]

من يبشرني ويبشر بالبشاره = ومن تحداني بيتذكر كلامي
قصة المليون مافيها شطاره = يالمري يا لعجمي ياليامي
لاننا من جد عايش في الصداره = وزع عياله على الصف الامامي
نحترم الاصوات في عصر الحضاره = للمطيري والسكيبي والقثامي
بس ليذاب الحديد من الحراره = واعتلوا باسمي على كل الاسامي
اعرف ان لي لابة ٍ فيها نعاره = ماتحقر قعدتي ولا مقامي
من ثمان سنين حافظ لي عباره = في زمان الواسطه خلك عصامي
ودام فكري سيل واوراقي زباره = ماتلاقيني على الميراد ظامي
مامدحت الا رجل حافظ وقاره = وماهجيت الا من يجرح مقامي
وشاعر المليون برنامج شعاره = جرب ونافس ..ولاتكون انهزامي
واجب انا مانحيده عن مساره = ونخدم الموروث في قالب نظامي
ياعلي سلم على اعضاء الاداره = وان لقيت ابن السعيد ارسل سلامي
وان لمحت الضي في عالي المناره = بلغه تقديري وكل احترامي
وقله ان لك في حشى فيصل اماره = برجه ظلوعي وحارسها عظامي
واسمع اللي وده يفوز بجداره = وخل من طبل مع فرقة ميامي
ماحضرنا للتصنع والاثاره = كود للي عينها سبة هيامي
اللي اذكرها وانا في كل حاره = وآتخيلها وانا سارح دوامي
والثلوث اللي غدا كرت الزياره = للبعيده والقريبه في منامي
خلني اعدي ابواب الخفاره = واتسلل بيتها مثل الحرامي
وكل ماآشر لها تفهم الاشاره = وتحضن الشاشه وتتربع امامي
نوف وانا ابوك يارمز الطهاره = احضني الجوال لاجيتي تنامي
ولاصحيتي صوتي تاره وتاره = لين اوصل معك للحفل الختامي
وسولفي بي عند بدريه وساره = واكتمي الاسرار بالفلم الدرامي
وان خسرنا جعل تفداك الخساره = يكفي اني في عيونك نجم سامي
وان ربحنا ذكري راعي البشاره = واثبتي للي تحداني كلامي

[عبدالله آل عامر]

قصة المليـون مافيـهـا شــطـاره***يـــالمـــري يـا لـعـجـمـي ياليامـي
لاننا من جد عايش في الصـداره***وزع عياله على الصف الامامـي

صح لسان الشاعر فيصل اليامي وعز الله قصيدته وافية

ولاهنت يابو سالم على النقل ؛؛؛؛؛؛؛؛؛؛؛؛؛

[راشد العتل]

من يبشرنـي ويبشـر بالبشـاره
ومـن تحدانـي بيتذكـر كلامـي
قصـة المليـون مافيهـا شطـاره
يالمـري يـا لعجمـي ياليـامـي

قصيدة جزله من الشاعر فيصل اليامي
ونتمنى له التوفيق والأستمرار على هالقصايد الوافيه


تقديري واشواقي

[عزوتي يام]

سلمت أناملك أخوي راكان اليامي على نقلك للقصيده الرائعه
ونتمنى التوفيق للشاعر فيصل اليامي في البرنامج
وفاله التوفيق <<< متأثر بالبرنامج حيل
تحيتي
أخوك عزوتي يام

[محمد الشامري]

الله الله

قصيده وافيه وجزله

هيضنا فيصل عليها

وكل التوفيق له ان شاء الله

ولاهنت ياراكان على نقلها لنا

[البدوي]

فيصل دائما مبدع وقال الحقيقه وانشاء الله ان شاعر المليون ما يطلع من القبيله مثل ما ذكر قيصل

ومشكور اخوى على النقل

[فريج المرر]

صح لساااااانه ..


تسلم ع النقل الحلو ....

[فهد بن محسن]

لاهنت ياراكان

وتسلم على كتابة قصيدة الشاعر فيصل اليامي


وكما قال فيصل ,,, صار الفوز للمري ابن فطيس


والله يوفقه في المراحل القادمه



تحياتي للجميع

[خــالد الفطيحــي]

لاهنت على نقل القصيدة ياركان والله قصيدة جزلة

[راكان اليامي]

مشكــــــورين على الردود الطيبه