هذي قصيده كتبتها على اللقب (روحي بدونك يتيمه ) وأتمنى أنت تحوز على رضا الجميع
روحي بدونك يا حياتي يتيمه = ليه الجفا يا زين والحب وافي
لأهل الوفا في نفسي اليوم قيمه = وأهل الجفا كلٍ عن الدرب غافي
صارت جروحي من بعادك أليمه = تجرح خفوقي يا منى الروح كافي
أجمع شتاتي من بعد هالجريمه = من لوعه الفرقا وماكان خافي
الهم والحسرات فيني مقيمه = وبل من العبرات تذرف ذرافي
نيران حبك في فؤادي ظريمه = مشيتني دربٍ به أشواك حافي
نفسي تراها في زماني سقيمه = وسراج دربي من سواياك طافي
أذكر كلامك في ليالي قديمه = في ليلةٍ قلبك على الود صافي
لامن تقابلنا وكنتي رحيمه = كان الغدر في دمك ولا يشافي
شربتني كذبٍ وغدر ونميمه = مرٍ وحالي وسط كاس إنتصافي
قصه غرامي اليوم صارت حطيمه = وأوطيت رجلك فالدروب الهوافي
الله يكافينا الذنوب العظيمه = ويجازي اللي بالمحبه يجافي