قصيدة في الشيخ طلال بن فيصل ال خرصان للشاعر عبد الله الهواوي

[Al-Ajmi]

الشيخ طلال بن فيصل بن خرصان

كل ماكثرتن همومي وزادتن الظروف= شوشت الافكار والعين هل اهمالها
رحت للي يكسب الطيب مع كل معروف= راعي الوقفات له وقفتن يعنى لها
من زبن بيته مخيفن نجا من كل خوف =عد كأنك زابنن في علاوي جبالها
ذاك ابن خرصان زبن من هو صفق كفه كفوف= زاهمن طلال مست عليه حبالها
كم سجينن دونه السجن مظلم مايشوف= جلجلت في ايديه بيض الحديد وجالها
في غياهيب السجون الظليمه ومحذوف= يزهم اللي في المواقف تعد افعالها
يزهم ابن خرصان راع المواقف والوقوف= ساعه ماطاوع ابوفيصل عذالها
المراجل قادها ابو فيصل قود النكوف= طاوعتله بالرسن والردي مااحتالها
من الكويت الى اليمن الى الحجاز الى الهفوف= تنشر البيضاء لشيخن تعلى طوالها
اعتلى في قمه المجد والمجد معروف= اعتلى في قمه المجد مثل اهلالها
يذبح القعدان والحيل ويعشي الضيوف= والقبايل منزل ابو فيصل مدهالها
ياجمل زومان مالك مثيل ولاوصوف= الحمول اللي ثقالن تشل اثقالها

( عبدالله بن سعد الهواوي آل قزان الشامري )

[ابن ترفه]

كككفو بالأمير طلال ويستاهل المدح والثناء أبوفيصل 000

[ابو منيف]

قصيدة جزله ويستاهل ابن خرصان المدح

[مناجي@@]

ومليون نعم بالشيخ طلال بن فيصل والقصائد تنقاد له على قول الهواوي قود النكوف ويستاهل الناموس ولد فيصل٠٠٠٠٠٠

[الحر الاشقر]

صح لسان الهواوي وانشهد ان القصيدة جزلة ويستاهل الشيخ طلال بن خرصان

[ابوحنيك]

كفو بالأمير طلال بن خرصان وصح لسان ابن الهواوي ٠

[‏سهام المحبه]

صح لسان الهواوي وابن خرصان يقضي اللزوم ويستاهلون المدح

[ابوليلا]

كفو كفو الشيخ طلال بن خرصان علم من اعلام يام مشهوده بالمواقف الجباره ويشكر عليها وشيبانه ممهدين له الدرب والعود محله عود والله يوفقه ويطول عمره0

[سعود الضاعني]

صح لسانه ويستاهل المدح

[تــــــــــلاب]

يستاااهل ابن خرصان

شيخ و علومه طيبه و الله يرحم ابوه و عمه و يعز ال خرصان

و صح لسان الشاعر