(( // روابـــع وريـث الـمـجـد مـا تـقـبـل الـحجـّـة // ))

[تــــــــــلاب]

السلام عليكم و رحمة الله و بركاته ..
لا احب ان اطيل عليكم لكي لا اشتت تفكير القاريء الكريم ..

الشعر (القصيد) في السنوات الأخيرة جاتنا منه قرفة .. من كثر ما نسمعه و اغلبه هزيل و اصبح القليل جداً منه جزل و رائع ..


xx القصيدة ذي تبشّر ان الشعر لا زال بخير و ان شاء الله تعجبكم xx

انا البارحة زاحت هجوسي لذيذ النوم = مثل ما هلال محرّم يزيح ذو الحجّة
هجوس ٍ ترادم ، كوم مقرون له في كوم = مابه باب مغلق ما تداهمه .. و تفجّه
شريط السنين الماضية.. ! فلّته في يوم = وكم مشهد ٍ قد مات ، تحييه .. و تسجّه
خلِيّ الهموم إن مرّتـه ؟ تودعه مهموم = و بعيد المدا ؟ تـلحق على أقصاه ، و ترجّه
تسوق العباير لين تقبل على البلعوم = وأكفكف طوارفها .. وتدويّ لها لجّه
تلجلج مثل ورد ٍ على عيلم ٍ مزحوم = راع الدور يقرع نصفها .. و نصف ٍ يهجّه

x
x
x

عفى الله عن زول ٍ ترك فالضمير رسوم = يزوَّل لعيني وين ما آروح .. و آوجّه
عليه الفؤاد من التوجّاد فيه ثلوم = و عليه العيون تجمّع الدمع , و تمجّه

x
x
x

و أنا خابر إن مالي مصدٍّ عن المقسوم = يالوّ النبات يصدّ من مقدم العجّة !
لكن لو معي من مقبلات الليال علوم = يجوز الفجيعة تصغر .. و تكبر السجّة
سطى بي زمان ٍ قد سطى في خيار القوم = و كم قاصد ٍ عن مقصده لــدّه ، و خجّه
و لولا الأمل بالواحد ، القادر ، القيّـوم = يبثّ الحياة بميّت الغصن و يِوجّه ؟
تضيق الدروب ، و يبحل المقصي ، المضيوم = و روابع وريث المجد ما تقبل الحجّة

و سلامتكم ..
لـ محمد ابو زيد

[ابوعلوش]

موفق بإذن الله ... لك مني أجمل تحية .
شـكــ وبارك الله فيك ـــرا لك ... لك مني أجمل تحية .

[تــــــــــلاب]

الله يبارك فيك و يسلمك .. ردك رد اللي ما قرا الموضوع
عموماً شرفت و نورت

[على دروب الغانمين]

اخي الغالي تــــــــــلاب لاهنت على الاختيار والنقل الطيب
الصراحه قصيده جزله ومعبره من روايع المبدع الشاعر محمد ابوزيد

وعلى الرغم من صعب القافيه الاخيره الا ان الشاعر ابدع

تلاب صح لسانك ولسان الشاعر محمد ابوزيد


تقبل مرور اخيك

[عيد بن شدقان]

لله در ابو ناصر

مبدع وجزل


تلاب نقل يدل على ذائقه فذّه


صح السان محمد ابو زيد والسانك يالطيّب



ولا هنت

[ناثرة الورد]

يعطيك الف عافيه علي هالنقل الرائع ....

تسلم ايدك و صح الله لسان قايلها ....

[تــــــــــلاب]

اخوي لليمين در .. جزيل الشكر لك على مرورك الكريم
و الجزل هو تواجدك الكريم .. نورت و شرفت الصفحة..

[تــــــــــلاب]

اخوي االشاعر القدير عيدبن شدقان .. حياك الله
و جزيل الشكر على مرورك الكريم .. ياهلا نورت وشرفت ..

[تــــــــــلاب]

اختي القديرة ناثره الورد .. حياك الله
و جزيل الشكر على مرورك الكريم .. ياهلا نورتي وشرفتي ..

[جـراح]

محمد ابو زيد
مع قلة نشره لكنه لاجاب القصيده جاب شي ينومس
شاعر شاعر ومبدع بمعنى الكلمه قصيده يطربني
صح السانك ابو زيد وصح كلّك ياتلاب

ولله درّك على هذا الاختيار الجزل