كم رآآآآآآح من عمري ؟!

[قمة طويق]

كم راح من عمري وانا ودي اتـوب ولولا الهوى والنفس كان امس تايب عشرين عام امني النفس يا ايـوب لين اكتشفت اني مع الوقت شايـب راحت حياتي بين طالـب ومطلـوب ولي خاطر(ن) لو طبت ماهوب طايب واخاف من يوم به المـوت مكتـوب لا حولوا بي بين عـوج النصايـب في منزل مظلم عن الناس محجـوب محجوب حتى عن نسيـم الهبايـب وصار الكفن يايوب يغني عن الثوب وفارقت ربعـي والاهـل والقرايـب ما عاد فيها جاه وأمـوال وسلـوب ولا عاد فيها حب خشـم وطلايـب ولا عاد حولي شمر ولا به حرووب انـا وملائكـة الرضـاء والعقايـب خدعني التسويـف وأغرتنـي دروب من يامـن الدنيـا وغـدر النوايـب يالله يا فـارج علـى كـل مكـروب يا واحدٍ بامـرك تهـون المصايـب يا من تقلب بيـن اصابيعـك قلـوب خلقتها مـن بيـن صلـب وترايـب يا غافر لمن جالـك وكلـه ذنـوب عبدٍ ضعيف وجـاك تايـب ونايـب يا رب لو قلبي صخر عندك يـذوب يامن لهيبتـك الجبـل خـر ذايـب اتوب ثـم اعـود واعـود واتـوب ماهي عجيبه وانـت رب العجايـب من المهد لين اللحد وقتي محسـوب ما ضاع شي وما بقى شـي غايـب يارب مالي غيـر رحمتـك مطلـوب من لي سواك ان جيت يارب تايـب كم راح من عمري وانا ودي اتـوب ولولا الهواء والنفس كان امس تايب للجزل / زياد بن حجاب .. قطفته لكم / اختكم قمة طويق

[مليحة العجمان]

صح لسان قايلها ولا هان ناقلها

[المااسه]

صح السان شاعرها
ولاهنتِ ويعطيش العافيه يالغلا ..

[قمة طويق]

صح نبضك ... شاكرة كرم المرور
كوني بسعادة .. اختي

[قمة طويق]

صح قلبك ... شاكرة كرم المرور
كوني بسعادة .. اختي