السلام عليكم ورحمة الله وبركاته
لكم رائعه من روائع فلاح بن مبرد الحميداني المطيري
سرا بارقٍ ساقه نسيم الهـوى حـدر =على غير مجراه الطبيعي سـرا نـوره
تكاشف مزونه بالدّجا بارقـه نـدر =على الخدّ هلّ من أطرف السّود شختوره
عسى الله يعين اللّي يشوفه ولاقـدر =على قطف زملوقه ليا بانـت زهـوره
يجازيك يالايـام مشروبهـا كـدر =الايّام مـع سـود الليّالـي لهـا دوره
تزيّن لها وقتـن وعاداتهـا الغـدر =ليا ذّوقت من حلوها تقلـب الصـوره
ليا قلت قلبي طاب ومن المرض خدر =تسبّب بـداه مـن المخاليـق دكتـوره
أبو لبّةٍ عفـرا كمـا شعّـت البـدر =تكاشف ورا شقرن على الصدر منشوره
قبالـه دقيقـه كنّهـا ليلـة الـقـدر =تمتّع بها نفـس مـن الحـب مقهـوره
عليّه من المجمول حكم الهوى صدر =حكمني على كيفـه بقانـون دستـوره
جداي افرك الكفّين والطم على الصدر =كما لطمت الشيعي ليا حـل عاشـوره