علي الله أهون من جناح البعوضه

[البركان الثائر]

السلام عليكم ورحمة الله وبركاته
قصيده عسي تحوز علي رضاكم

يا الخالق الرحمن رجواي أمانك=في ساعة(ن)فيها الصّحاف أمعروضه
عفّوك وغفرانك وروضة جنانك=ومع النبيّ المصطفي نرد حوضه
ويا الآدمي لو يرتفع فوق شانك=علي الله أهون من جناح البعوضه
هذي نصيحه يا ال بني آدم عشانك=وكل(ن)كتب له في الصحيفه حظوظه
أعلن علي كل الخلايق بيانك=واجب علي المسلم يحافظ فروضه
ما كل مرّه يبتسم لك زمانك=لابد من لحظه يسدد قروضه
ما ينفعك من كان يجلس وزانك=ولا يقبل اللي من حلاله يعوضه
هذا مثل وأمسك لسانك حصانك=والبيت له حكمه مناره وروضه
ويا فكر جهّز للعسر خيزرانك=هاض الضمير وساحة الشعر فوضه
اليوم خلّه طوع لك من بنانك=وأن طاح عجّل في عزايم نهوضه
صخّر وعبّر من فصاحة لسانك=وأقطف نوايير الوسم نبت روضه
وصوت أم سالم يطرب اسموع اذانك=والبرق في عرض السماوات نوضه
يا هاجسي بالله جوّد عنانك=لو كان تحليل الهواجيس موضه
شعر الحداثه في بطون التوانك=والبحر لولا جوهره ما نخوضه
ويا موج لا تغرق غشيم(ن)وأهانك=لو شفت في بعض القصايد غموضه
شليت مرجانك وشليت دانك=والكبد فيها من هماجك حموضه

[شيخ قحطان]

البركان الثائر قصيده جزله الله يعطيك الف عافيه

[فيصل بن محمد]

صح لسسانك يالذيب

[البركان الثائر]

شيخ قحطان لا هنت يا القرم

[سعود الخويطري]

صح الله لسانك



سلمت وسلمت يمناك يابن منيخر




قصيدة جزلة من شاعر جزل




دائما متابعين لك



تقبل سلامي واشواقي


الخويطري

[البركان الثائر]

فيصل بن محمد لا هنت يا القرم

[عبيدالله العرابي]

البركان الثائر
لله درك
هنا شعر أيضاً اصيل وشاعر متمكن من أدواته .
لافض فوووك

[البركان الثائر]

سعود الخويطري لا هنت يا القرم وبيض الله وجهك

[البركان الثائر]

الشاعر عبيد الله العرابي
لا هنت وبيض الله وجهك

[حبيب]

البركان صح الساااااانك قصيده جزله وقافيه قويه

ابدعت كماهي عادتك الابداع

تحياتي