اقرررررررررب شاعر

[حبيب]

السيلام عليكم ورحمة الله

يالربع ودنل بالطاروق خفيف القريب يقرب

الليل ياشعار يازين مسراه=لاصار لك صاحب على العز معناه
واللي يجيب الطيب من طيب مجناه= والصبر زين وكل مطرود ملحوق

سلامي عليكم يارجال المهمات=عدد مايلوح البرق وسط المخيله
يقولون بين للمشاكل علامات= وانااقول هذي ياعرب مستحيله

["بدر العجمي"]

هههههه صح اللسناك ياحبيب

مافيه الا كل الخير بوجودك

يمكن احد من الربع له خاطر يلعب معك شى

[حبيب]

وانت عابر ليش ماتلعب؟؟؟؟

والدعاوي لعب وتسلي

["بدر العجمي"]

ابشر على ذا الخشم ياحبيب ان قلت يمكن احد من الربع له خااطر شى

ولا انت شرف ياحبيب ولنا الشرف لا لعبنا مع مثلك وشرواك ومنت بغريب علينا ولا حنا

["بدر العجمي"]

الليل ياحبيب معك ماله امثال=يالشعار البيطار ياطيب الفال
وانا اشهد انك فالمواجيب رجال=والصبر زين وكل مطرود ملحووق

هلا مرحبا وانته تشيل الثقيلات=وانا قول ياحبيب تساوى قبيله
كثير السوالف والحقيقه سلاماات=وراعى الجميله ماكيب الجميله

["بدر العجمي"]

حبيب والله انك اتعرف عنى انى ما اجيد الموااويل وتذكر يوم اللعب معك واقوول بجرب

لاكن معك معك لو على وطى الجمر حشمه لك وغلاتك

[حبيب]

منك الشهاده عز ياطيب الصيت=لكن من داري علامك تخليت
بالله وش عينت يوم انك شديت = والصبر زين وكل مطرود ملحوق

يدوم البقا وانته زبون الونيات=ليا ثور البارود قدح الفتيله
كثير السوالف واختلاف الرويات=وماراح يارجال لاتنثني له

[حبيب]

عابر ودك بدوون موال على راحتك خل الموال يولي

وانت ماشالله عليك تعرف الموال وغيره

وتكفا الليل الليل تراني انعست

["بدر العجمي"]

الله يديمك دوم ياطيب الكار=ون جيت ولا رحت انا من هل الدار
وانت ابوجودك عز ماتطفى النار=والصبر زين وكل مطرود ملحووق

ولا ياحبيب ماتهم الدعايات=وكلن على ماقيل ينفض شليله
على قولتك مافات ياصاحبى مات=حبيب عزيز وماندور بديله

["بدر العجمي"]

مرحبا ووالله ومسهلا بحبيب

ابد انا عصاك الى ماتعصااك انا ماجبرت نفسى على الموال الا من معزتك وغلاك
انت ابوها ومها
انبغيتها موال انبغيتها عاديه انبغيت تنهيها انت الامير