بشار الأسد.........

[عبدالرحمن آل ضبان]

السلام عليكم ورحمة الله وبركاته مشاركة متواضعه مني :

سبحان ربٍ عالمٍ سر الارحام = الواحد اللي تعجز الناس شكره
الخالق اللي ماغفى لا ولا نام = البارئ اللي خالق الكون بأمره
المحصي الهادي بالاسرار علام = يعلم ما بالانسان سره وجهره
الخلق ماتحصي عددها بالارقام = ومن كل خلقٍ زوج لله قدره
شمس وقمر سخرلها فيها أحكام = منشي السحايب والمطر والمجره
رافع سبع سبحانه في ستةأيام = والأرض ساطحها في بره وبحره
والأرض فيها زرع واثمار وانعام = ناصب جبالٍ للبشر فيها عبره
مرسل رسل يهدي بها كل الاقوام = منهو يخالفهم يثبت في كفره
وبين الكفر ربي هدانا للاسلام = دين العدل ماهو بدين المضره
دين الشرف دين المَّعزه والاكرام = دين السمو يحفظك من كل ذره
النور جانا وسط غبات الاظلام = مْحمد رسول الله يُنصر بنصره
معصوم من كل الخطا والتغشام = متمم الأخلاق للدين غره
الدين باقٍ بعد موته وما دام = أصحابه دعواهم له مستمره
الصادق الصديق للحق مقدام = أبو بكر ياناس لله دره
والشامخ الفاروق للضد ضرغام = عمر بن الخطاب ماضٍ على اثره
عثمان ابن عفان ياسبعة أنعام = حافظ كتاب الله وساهم بنشره
وعلي علي لإسلامنا درع وحزام = اقرا الحكم والموعظه وسط شعره
واليوووم وين العز والمووت بالشام = هدم المساجد والقرى والمبره
ذبح النفوس وفعلهم فعل الاجرام = الشاااام تَصرخ ياعرب ألف مره
البعثي الملحد مٌّلَطخ بالآثام = الله يكفيهم جداله وشره
ابن علي رووُّح وحسني والأقزام = ومعمر الله لايطول في عمره
وعلي اليمن شرد ومفقر ومنضام = وبقى الأسد ملعوون شرعه وفكره
حكاااامنا قاااامووا .. تراها بالاحلام = يبطون وكلاٍ ثابتٍ في مقره
ادعو تعالى بالتغابن والانعام = ننظر ببشار الأسد مايسره
ونشوف به يوم ٍمهانٍ بالإعلام = وتبرد صدور الشام من كل حره
وصلاة ربي عد ماحايمٍ حام = صلوا على المبعوث لاحان ذكره

اللهم صلي وسلم على سيدنا محمد وعلى آله وصحبه وسلم .

[عبيد العرجاني]

اللهم صلي وسلم على سيدنا محمد وعلى آله وصحبه وسلم .

عبدالرحمن آل ضبان

صح لسانك

قصيده جزله من شارع مبدع

تستاهل التقييم

تقبل تحياتي

[عبدالرحمن آل ضبان]

صح بدنك وشكرا لك الاخ العرجاني 99

وبيض الله وجهك ع الاشاده (: