ياهل السهر

[منير بن خرصان]

ياهل السهر والليل هيض شجوني = ردوا على اللي يبدع القاف ذلحين

من واهج بالجوف جاله جنوني = في حزة فيها المخاليق ممسين

يامستجيب الصوت ربي وعوني = به نرتجي في حزة العسر واللين

انك تثبتنا بردع اللعوني = دامك على مد النظر مشفي العين

في شوفتي للناس وان شفت لوني = فعل الرجل يبقى مثل باقي الدين

والحر لا شلع جناح المتوني = جاب القنص من فوق روس الشياهين

والذيب يسري والعرب يلتهوني = خاض المغازي واكثر القوم دارين

يابوي هاض الفكر طرق اللحوني = ونيت وقلبي شايل همه سنين

بعض العرب يشقى بحمل الديوني = ووبعض الرجال اقوى بشل البعارين

ينصاك منهو طامر ٍ بالحصوني = مثل الرجال اللي على العز ضارين

شرواك ذخري والملا يسمعوني = فعل الجميل ينومس الربع الاقصين

دامك من اللي مايخالف ظنوني = شد العنان وكلمتك صايره دين



يابوي يابو منير وان جادلوني = سقت الكلام اللي نبت فيه وردين

يابوي يابو منير وان عاتبوني = قلت العتب للي خذى القلب والعين

يابوي يابو منير شفت العيوني = نجم ٍ شهابه ضارب ٍ بالشياطين

شفت العجب في دنيتي واسألوني = قلت الجواب ابعد من حدود بكين

ضاق الفضاء بالناس والموت دوني = هون علي الضيق من وازع الدين

ناسٍ بذكر الطيب هم يذكروني = مثل الرجال الصامده في فلسطين

ان غبت من قاعي تراهم كفوني = راح الجسد والصيت مايلحقه شين

وان طال عمر اللي يعد اللحوني = قال الكلام وصادق افعاله تبين

بإسم اللذي سير علينا المزوني = من خلقت الدنيا الى بعد ال2000

تبقى بذكرك طيب الساس عوني = وحنا على كف الوصل نتبع الزين

ا

[ابو منيف]

صح لسانك على القصيدة الرائعة