الخـيل عـزٍ للرجـال وهـيبة

[فزت فيها]

قصيدة رائعة وكدُرر أعجبتنى نقلتها وأرجو أن تنال أعجابكم



ياصاحبـي دنيـاك هـذا عجيبـه ** تغيّـر احداثـه لجيـلٍ بعـد جيـل
واشهر مثل عند العـرب نبتديبـه ** وعلى المثل نبني معانـي وتأويـل
(الخيل عـزٍ للرجـال وهيبـة(1) ** شطرٍ يقولونه هل الخيـل والهيـل
وهذا بمـاض الوقـت ماينحكيبـه ** ايّام دور السيف والرمـح والخيـل
يـوم ان كـلٍ يعتبيهـا لحريـبـه ** يازين فوق الخيل صوت الهلاهيـل
واليوم صارت هيبة الرجـل جيبـه ** المـال يصنـع هيبـةٍ للرجاجيـل
ومن زاد ماله صار كـلٍ صحيبـه ** يسمع صدى صيته بعـزٍ وتبجيـل
والمـال للرجّـال ماهـو معيـبـه ** ورجلٍ بلى مالٍ قليـل المحاصيـل
وقصرة يدك عمـا تريـده غليبـه ** مثل الذي يبرك لحملـه ولايشيـل
اغنم شبابـك قبـل حـزة مشيبـه ** واحرص على العليا ولو تسهر الليل
وعمرٍك بليا نعـم ويـش ينبغيبـه ** أكثر عمار الناس مثل غثا السيـل
لاصـار ماعلـم المراجـل تجيبـه ** (ماكنك الا من حسـاب المعاميـل)
(الطيب سندا والمراجل صعيبـه ** (2)والهون هيّن والتهـاون تساهيـل
ولاتامـن الدنيـا بعلمـه وغيبـه ** احسب حساب ايّامه اللـي مقابيـل
تضحك بناب وناب يحمل مصيبـه ** فيهـا مسـرّاتٍ وفيهـا غرابـيـل
واحذرك بعض النـاس لاتقتديبـه ** اللي مناهجهم على القـال والقيـل
وابعِد عن اللي يلحقك منـه ريبـه ** ابعَد من الجدي الشمالي عن سهيل
وان شفت بالمجلس نميمه وغيبـه ** احفض لسانك عن كثيـر الأقاويـل
ورفيقك الداني ليـا شفـت عيبـه ** كبر الجبل . خلك مثل مظلم الليـل
وفي محنتـه خلـك دواه وطبيبـه ** ما بالرفاقة يافتـى الجـود تبديـل
وصلواعلى اللـي سنتـه نهتديبـه ** اللي هُزم في مولده صاحب الفيـل

[ناثرة الورد]

{ شُـكـرت لـروعـهـ الاختيار
ولا حُرمنا روعهـ جديدكـ الراقي ..

دمـت بهـذا التميـز ~

[شـارلي شابلن]

صح لسانك قصيدة رائعة

[فزت فيها]

نورتي المشاركة ناثرة الورد دام حضورك العطر

[فزت فيها]

نورت المشاركة شارلي شابلن دام حضورك العطر

[أســـيــر الــقوافــي]

واليوم صارت هيبة الرجـل جيبـه ** المـال يصنـع هيبـةٍ للرجاجيـل

عزى الله انه صدق

صح لسانك يا الغالي على القصيدة الجزلة

[فزت فيها]

نورت المشاركة أسير القوافي دام حضورك العطر .. صح بدنك والجميع

[غريب الماضي]

صح لسانك قصيدة رائعة

[مترك العمره]

الاخ القدير / فزت فيها

يامرحبا ومسهلا

تسلم على نقل هذه القصيده الجزله ...وصح الله السان راعيها ...

شكري وتقديري

[فزت فيها]

المشاركة الأصلية كتبت بواسطة غريب الماضي

صح لسانك قصيدة رائعة

نورت المشاركة دام حضورك العطر وصح بدنك