مرثية سلوم العويض ال سفران في الشيخ راكان بن حثلين

[فتى الوادي]

هذه القصيده قالها الفارس والشاعر سلوم العويض ال سفران
يرثي بها الشيخ راكان بعد موته وتقول القصيده :

عند الضحى عدية في راس مابان=اخذ جديد القاف واترك زملها
يامل قلبن في ضحى اليوم مشتان=اشوف ايديني ماتركب عجلها
يا قلب يالي غزته شوق الاقصان=من جاه يخلصها شكامن وشلها
قالو حزين قلت للجنه احزان=واشوف انا كبدي تزايد زعلها
ياموت مادورت لفلان وافلان=وخليت زيزوم السبايا واهلها
خذيت شيخ في القتا يذبح الضان=وان شاف عذفه من سيفه حملها
زيزوم قالات وزيزوم فرسان=صبار لا ثقلت حمول نقلها
ياليت نفسه في شراريب الاثمان =والا انها تنباع نفسي بدلها
نبقي العوض ياشيخنا عقب راكان=ابو فلاح مخلي سلجها من ثقلها
خذيت والشيخه مواريث جدان=في السيف والناموس وانت من اهلها
يا شيخ حنا لك على الاج مخوان=وانت قريب قلبه وحنا بدلها
حنا لكم درع على الراس وامتان=ومنا حراب القوم دقمن عسلها
خطر سوايدناعلى كل فجيان=في مستوى حدا جبل من سهلها

[راكان اليامي]

لاهنت يافتى الوادي وصح لسان الفارس المرحون ابن عويض

[ابومحمد الشامري]

لا هنت يا فتى الوادي على المرثية الرائعة للفارس سلوم السفراني في الشيخ ابو فلاح الله يرحمهم جميع.

[خشم العان]

ياموت ما دورت لفلان وفلان##وخليت زيزوم السبايا واهلها

صح لسان الشاعر

ولاهنت على المجهود

[حبيب]

صح السانك ولا هنت يافتى الوادي والله يرحمهم جميع

تحياني

[فتى الوادي]

مشكورين يا اخوان على الرد لا هنتم

[الخليجي]

تسلم يافتى الوادي على قصيدة الشاعر الكبير سلوم .,,, واعتقد ان البيت قبل الاخير "درع على الراس وامتان"


تحياتي

[العوووود]

لاهنت يافتى الوادي وصح اللسان الشاعر الله يرحمه ويرحم الشيخ راكان وجميع المسلمين

بيض الله وجهك يالسنافي على النقل الطيب

تحياااااااتي

[مملوح]

صح لسانك

[فهد بن محسن]

تسلم اخوي فتى الوادي

لاهنت يالغالي على النقل ,, والله يرحمهم برحمته

تحياتي لك