((يابنت طبع الناس مخطي وصايب ))

[مانع الوعيلي]

يابنت طبع الناس مخطي وصايب ..
مابه حد(ن) معصوم دام إنه إنسان







عشت الزمان وشفت فيه العجايب ..
شفت الأوادم بين وافـي وخـوّان







بعض البشر يكفيك لاصرت غايـب ..
واكثرهم الي مايعـوّض بالأثمـان







والبعض منهم بالفعل دوم عايـب ..
طبع الردي لازم يجي فيه نقصـان







هذي طباع الناس صايب وخايـب..
ومن يتبع المقفي ليا راح.. غلطان







يابنت لجل الحب ننسى المصايـب ..
وأنتي هجرتيني على زلـة لسـان







ياما على شانك نسيـت القرايـب ..
الي لهم بالقلب قدر(ن) وعرفـان







واليوم قلبك يطلب الوصـل تايـب ..
يرجي الغرام الي غدا في خبر كان







وين أنتي عن قلبٍ من العام ذايب ..
يَبْست بساتينه وذابـنّ الأغصـان







كنتي على قلبي من أغلى الحبايب ..
وكنتي غرامي والقصايد والألحـان







لكن وعزت من يسوق السحايـب ..
لذوّقك مـر المفـارق والأحـزان







ببعد عن دروبك وأشـد الركايـب ..
وبنسى الغرام الي غدا في خبر كان

[هادي بن فهاد]

"الله الله "

شكراُُ للاخ العزيز على الاختيار مميز

ولاهنت على الذائقه الشعريه

تقبل تحياتي



:

[مانع الوعيلي]

لاهنت اخوي هاااادي على المرور ويعطيك العافية

[ناثرة الورد]

{ شُـكـرت لـروعـهـ الاختيار المميز
لا حُرمنا روعهـ جديدكـ الراقي ..

دمـت بهـذا التميـز ~

[مانع الوعيلي]

لاهنتي ياناثرة الورد على المرور ويعطيك الف عااااافية