(( قامـوا بتقليـده بنـيـات ذالجـيـل !! )) للرائع : محمد بن فطيس

[شامخه بعز ابوهاااا]

السلام عليكم ورحمة الله وبركاته ،،



من دون مقدمات .. قصيده للاسطوري : محمد بن فطيس

. .اترككم مع هذ ا النص الرائع ..




(( ذا الليل ))



ذا لليل كن نجومـه شـوي واشتـات
من كثر مـا راقبتهـا قبـل ذالليـل

فيها عـن البـارح وقبلـه تفيـوات
اعّدهـا مـن يـوم غيبـت ياسهيـل

ذا لليل لبسه صمت وفراشـه سكـات
كنـه يشجعنـي لجـر المـواويـل

لكـن يكـدر صفـوة الجـو دقـات
دقات منفصله وهـي مـا لهـا ذيـل

اروح ادورهـا بسمعـي تصـنـات
وتطلع عقارب ساعـة بايـدة حيـل

مسيرهـا دقـات واكثـره وقـفـات
هي ريضه وانا ارقب الصبح واخيل

الزبده ان الليل ذا مـا بـه اصـوات
كني لحالي والعرب من ورى النيـل

الناس مدري وينهـم كنهـم امـوات
كنهم تمالوا فـي وكنـي مـع سيـل

سيل الهجوس اللي الى جاتني جـات
كتها على عقلي من الماضـي تهيـل

تظهر من الشاعـر تنهـات وابيـات
واللي مهو شاعـر يظهـر مناديـل

تعيد لـي ذكـرى غـرام البدايـات
وتحلـل ايـام مضـت فيـه تحليـل

وتاخذ بصدري مثل كل ليل صولات
ومضمونها معروف راعي المظاليـل

اللي فتحت الصدر له مـن سنيـات
وخذ في فوادي ركن لازال ما زيـل

قافي لو يوصـف لزينـه حركـات
قامـوا بتقليـده بنـيـات ذالجـيـل

وعينه الى منـه صدقنـي بنظـرات
دريت وين الضعف فـي يا رياجيـل

ابختصر وصفي له بخمـس كلمـات
دله....صباح و ليل...سيف وفناجيل

قطعت من شانـه طـوال المسافـات
الميل متر يسير لاشتقـت لـه ميـل

يشتاق لي مره وانـا عشـر مـرات
ويعطي وانا معطيه هيـل بـلا كيـل

اعرف قولة هاك ولا اعـرف هـات
ويخطي علي بالصد واصـد واشيـل

عنده علـى تبريـر صـده مهـارات
وعندي لقبل اعـذار صـده تعاليـل

حبـه قعـدت ابنيـه عـدة سنـوات
وفرقاه في كسرة عصـا دون تعليـل

فجئـه ولانـي بيـن دمـع وتنهـات
وقد كل ما قد فات ذكـرى واقاويـل

وقعد بين اسج ..مـا اسـج فتـرات
عقلي يحاسبني وقلبـي مـع الخيـل

قلبي يقول اللي مضى كذب ما مـات
لونه ميت ما قعـد جرحـك يسيـل

يقعـد يذكرنـي ديـار ومـحـلات
ويعيد لي ما فـات جملـه وتفصيـل

ويقول لي معذور والا انـت بالـذات
مالك عذر في طيحتك في المحابيـل

وعقلي يقول اللي مضى ماضي وفات
ما من ورى طرد المشاعر محاصيل

اعطيتـه عيونـك وشـح يتلـفـات
وخلاك شربك هـم واكلـك بهاذيـل

هيهات زيد تشوف لـه زول هيهـات
انـس المدابيـر وتـلـق المقابـيـل

اقنعنـي العـقـل بـكـلام ودلالات
اني علـى درب الخطـا والمهابيـل

الحزن مـا يذبـح كـلام ودعايـات
هذا انا ما مـت فـي تالـي ابريـل

والصد مهما كان حجمـه سلامـات
هذا البدو مـا ماتـوا لغيبـة سهيـل



.

[المااسه]

وعليكم السلام ورحمة الله وبركاته
صح السان شاعرها ولاهنتي على النقل ..

[شامخه بعز ابوهاااا]

هـلآ ومـرحبـآبـكِ .. آســعـدنــي مــروركِ يــآلـغـلآ ..

[جـراح]

محمد بن فطيس شاعر لا يختلف على شاعريته اثنين صاحين

و شامخه لا يختلف على جمال ذائقتها اثنين

تسلمين ويسلم لنا ذوقك

والصد مهما كان حجمـه سلامـات=هذا البدو مـا ماتـوا لغيبـة سهيـل

عند هذا البيت خانني التعبير ولا اجد ما اقلوله

[البندري القحطاني]

سيل الهجوس اللي الى جاتني جـات
كتها على عقلي من الماضـي تهيـل

تظهر من الشاعـر تنهـات وابيـات
واللي مهو شاعـر يظهـر مناديـل

تعيد لـي ذكـرى غـرام البدايـات
وتحلـل ايـام مضـت فيـه تحليـل

يالله يالله .. يفوق الوصف محمد يفوق الوصف ..!!

لاهنتي يالحلوه ع الحلوة

[نيَـة فراق ..!]

الله الله

يازين القصيد وبس

لاهنتي يا الشامخه

[ثامر الشميعان]

صح لسان الشاعر بن فطيس المري
يعطيش العافيه على النقل

[همس الloyal]

شامخة يعطيج العافية ويسلموووو على هالإختيار الذوق .......

[عليل المحبه]

تظهر من الشاعـر تنهـات وابيـات
واللي مهو شاعـر يظهـر مناديـل

تعيد لـي ذكـرى غـرام البدايـات
وتحلـل ايـام مضـت فيـه تحليـل

الله الله

مافيه حيله بن فطيس
صح الله السانه على الجزاله

وتسلمين بجد على النقل المميز
كالعاده

[king الوادي king]

لاهنت على النقل المميز وكالعاده التمـــــــــــــــــــــــــــــــــــــــــــــي ز عنوانش ولاهنتي