الفرعـــــــــــــــــيه !!!

[SLR]

السلام عليكم ورحمه الله وبركاته
والصلاه والسلام على رسول الله واله وصحبه اجمعين

اول شي حبيت انوه على اخواني وخواتي من القبيله العريقه بخصوووص الفرعيه في النطقه العاشره ( الخامسه ) حيث تتم انتخابات فرعيه ولكنها محسووومه على فخذ معين ( ال محفوظ ) وذلك بسبب كثرتهم بالنمطقه حيث دائما يتم نجاح اعضاء هذا الفخذ وهذا الامر يضر الاكفاء بأبناء القبيله ولا يمنحهم المجال للفوز بهذا الفرعي ..
لذا نرجوا من اخواني ابناء القبيله مخاطبه من يلزم بشأن اعاده النظر بهذا الامر وتحديد امر للفرعي حتى يتسنى للاكفاء خوض هذا المجال
ثاني شي حبيت اتكلم فيه صراحه ش يقهر بخصوص اخواني ضباط القبيله لانهم حيل مضلومين بسسب اعضاء مجلس الامه والدليل خدمات وزاره الداخليه في محافظه الاحمدي شبه معدووومه من ضباط القيله !! والسبب شنو ؟؟ خوف من المنافسه .. يعني معناتها ان اعضائنا ما ينفعون ضباط القبيله بهذا الامر والدليل ان اعضاء قبيله العوازم أخرو كشف كامل بترقيات مساعدين ومدراء عامون لكي يضعوا واحد من ابناء قبيلتهم !! واعضائنا ولا حطوا ولا واحد !!! شي يقهر صح
اتمنى يعرض هذا الموضوع ولا يتم حجبه بسبب الخوف لان هذا الواقع
شـكــ وبارك الله فيك ـــرا لك ... لك مني أجمل تحية .

[ابومحمد الشامري]

مرحبا بالاخ الفاضل
في البداية هي تشاورية بين ابناء القبيلة يتم فيه تزكية اربع مرشحين يمثلون القبيلة في الانتخاب العام.

الامر الاخر عنوان الموضوع جاء تحت سقفه موضوعين مختلفين الاول يتكلم عن الفرعي والاخر بعيد عن تساؤلك الاول وكذلك بعيد عن عنوان الموضوع.
على العموم انا سوف اتكلم عن الشق الاول ، وبما اني محايد لانيب من ال محفوظ ولكن الحق يقال ان فرص الفوز في تزكية المرشحين متكافئة واقرب دليل هو تزكية النائب خالد الطاحوس هو من ال صالح يعتبر اقل عدد اصوات من بين ابناء القبيلة لو نقارنهم بال محفوظ او ال شامر او ال هتلان الخ.

وال محفوظ أخواننا وفوزه ينومسنا ان كان في تزكية ولا في انتخاب عام والشعور هذا نحسه تجاه جميع فروع القبيلة وانت ترى كيف يلتف ابناء القبيلة ولا يفرقون إذا هذا محفوظي ولا هذا شولاني او هذا حبيشي الكل عندنا سواء وهم يمثلون القبيلة واذا جاء التصويت تفزع القبيلة كلها مع ربعهم المرشحين.

[عـســاف]

ابو حمد كلاامك طيب وموضوع الفخوذ ماائثر فينا شوف افخوذ الاقليه من العجمان يااخوذن فرصه وهذا يدل على التفتح من الاخوان لان اعضاء الاقليه دشو حالهم حال اخوانهم ولا مااهم يستااهلو ماطلعو في الفرعيه
اطيك مثال ال حبيش قليلون وطلعو منهم اعضااء لاكن مااودي يكون كذا الموضوع ويكون الموضوع النااصب
من يتذكر في اوال التسعينات كانت الاحمدي كلهم ضباط عجمان وكان الفحص الفني اكثرهم عجمان
وبل اخص الفحص الفني شوفي رؤاساء الاقسام للمحافضات الكويت ماتلقا عجمان والعجمان تلقااهم في السكراب وهذاحقيقه وانا اخي في الفحص الفني ومولريني التشكيلات الضباط ورؤسا الاقسام لاكن للاسف ماتلقا فيها عجمان؟

[SLR]

مشكوورين على الكلام الطيب بس حبيت اذكر ان فوز الاخ النائب خالد الطاحوس كان مسانده له وهو في امن الدوله ولو ماكان هناك محد صوتله
الاخ الفاضل ابوحمد القصد من ذكر ال محفوض ماهو حسد ولاهو غل اتمنى تفهم قصدي والقصد ان الكثره هي الي تاخذ الاماكن من الباب هذا مقصدي ولا بالنهايه اخوانا ولا نرضى عليهم.. ورد اقولك الله يخلي التحالفات بين الافخاذ الي خلت غير ال محفوض ينجحون وسأل بالشي هذا

[عبدالله آل عامر]

مرحبا بك أخوي SLR وعسى الله يرزقك وحده قل آمين
:
بالعكس أنا أشوف إن القبيلة تطلع الكفاءات في كل انتخابات بعكس القبائل الثانية
:
ولو تلاحظ فإن ابن برغش وابن شرفان وشارع بن ناصر وغيرهم ليسوا من آل محفوظ وفوز العجمي مهما كان فخذه في الفرعي يلزم الجميع بالإلتزام معه في الرئيسي..
:
تقبل مروري وردي
:

[SLR]

أمـــــين
الاخ الفاضل عبدالله ال عامر اشكر مرورك
بس مدري ليه انتو خالطين الامور للماضي صح كلامك بن شرفان وبن برغش وبن صنيدح نجحوا ايام الدائره 25 يعني قبل لا تصير 5 دوائر المقصد يا اخواني بالوقت الحالي

[عبدالله آل عامر]

أنت تقول في المنطقة العاشرة..
:
بعدين والله ماني أسأل لا جيت عند الفرعية من فلان منه؟ أو من فلان منه؟
:
عليك بقناعتك والكفاءة اللي تشوف وصوّت لها.. والحمد لله أداء أعضاءنا ينومس من أول وتالي..
:
تقبل مروري وردي
:

[SLR]

فديــــت عمرك
بس المصيبه كلن يبي اقرب الناس له هو الي يقوز
ومشكوووره ولاهنت على المرور

[سمو^المشاعر]

كلامك صحيح

اذا طلع من ال محفوظ 2 من حقهم لأنهم كثرة مثل ماتفضلت ..

وهالشي مايزعل احد ..

موتبون الفرعيات ؟؟

أجل اقبلوا النتايج اللي تجيكم