لاصاحت العذرى وقالت اخييلات

[مترك العمره]

السلام عليكم ورحمة الله وبركاته


اسعد الله اوقاتكم بكل خير

قصيده في رفيق دربي وصاحب الطفوله / نايف ابن عبدالله ابن ثلاب الدوسري

وهو يستحق الكثير والكثير


قصيده متواضعه وامل ان تنال على رضاكم

زان الشعر في مدح حرن نداوي=حرن مطاليعه بروس الطويلات
نايف ابن ثلاب زبن الجلاوي=نعم الخوي لاصار بالوقت ميلات
انااشهداني للصعيبات قاوي=مدام نايف عايشن مابعد مات
الصاحب اللي عند حسن الهقاوي=ماغيره حلو الزمن والملذات
رفيق دربي بالشدايد امخاوي=لاقلت له قدام داس الصعيبات
من لابتن وقت الملاقا تساوي=اجبالها مع سهلها والمحيطات
صوت البنادق عندهم كالغناوي=لاصاحت العذرى وقالت خييلات
عدوهم ينحب بكثر العزاوي=من فعلهم بسيوف هند الصقيلات
ارباوت الشايب نطيح البلاوي=حلال صعبات الامور العسيرات
شيخن مطاليعه بعيد المناوي= يالله تجعل مسكنه بالفسيحات
والخال ابن داهم كريمن امداوي=حزام ربعه في نهار المطمات
لك منزلن بالطيب عالي وضاوي=مشيدن بفعال يمنى كريمات
ياصاحبي يالقرم ذرب الخطاوي=رفقتك تشرى بالذهب والثمينات
واسلم وسلم عد صب القهاوي=وعداد براقن برق بالمخيلات

تحياتي وتقديري للجميع

[ابوعبدالرحمـن]

الله الله

اي والله كفووووو يستاهل

وصح لسانك يا بو نايف

ــــــــــــــ

[حــســن الــعــذاب]

مترك العمره

صح ألسانك ويستاهل الممدوح

[بندر العجمي]

من لابتن وقت الملاقا تساوي=اجبالها مع سهلها والمحيطات
صوت البنادق عندهم كالغناوي=لاصاحت العذرى وقالت خييلات
عدوهم ينحب بكثر العزاوي=من فعلهم بسيوف هند صــــقيلات



صـــــــــــــح الله لســــــــــــانك



والله لايشينك وونعم بالخييلااات وكفو

[نيَـة فراق ..!]

من لابتن وقت الملاقـا تسـاوي =اجبالها مع سهلها والمحيطـات

مترك ، صح لسانك

ولاهنت

تقبّل تواجدي هنا

[ِِِAL 3ajmiah]

الله .. صح لساانك ..

الله يديم عليكم ياارب ..

[someone]

صح السانك ويستاهلون المدح الخييلات

[قضى ليل الهوى طلابه]

رفيق دربي بالشدايـد امخـاوي=لاقلت له قـدام داس الصعيبـات
من لابتن وقت الملاقـا تسـاوي=اجبالها مع سهلها والمحيطـات

ياسلام .. كفو كفو


القدير / مترك العمره


صح لسانك مدد ولاهنت


كفيت ووفيت ويستاهل الممدوح


تقبل مروري وسجل متابعتي من جديد

[مترك العمره]

المشاركة الأصلية كتبت بواسطة ابوعبدالرحمـن

الله الله

اي والله كفووووو يستاهل

وصح لسانك يا بو نايف

ــــــــــــــ

اررحب اررحب يابو عبدالرحمن

يامرحبا والله ومسهلا

ماعليك زود يالقرم ...وصح الله بدنك وكلك ,,,,وتستاهل الطوله يالسنافي ,,, وسعيد بهذا المرور العذب

وحضورك اكبر شرف يابوعبدالرحمن

تحياتي لك وتقديري

[king الوادي king]

صح لسانك يا مترك وبيض الله وجهك وجعل من جابك في الجنه