راكـــــــــان بن خــــــــــالـــــــد بن حــــــــثـــــــــــلــــــيــــــن

[سالم ال مخلص]

السلام عليكم جميعااا

قصيدة متواضعه في الأمير راكان بن خالد بن حثلين أمير مليجه عسى أن ترقى لذائقتكم

عـلـى مـبـدا الجمـيـل وفـزعـة الـرجـال للـرجـال=أبنصـا مـن يجمـل مــن نـصـاه بسـاعـة الريـبـه
أبنصـا شـخ يـام وازهمـه وأشكـي عليـه الـحـال=زعـيـمٍ يكـسـب الـطـولات وأربـوعــه تمـاريـبـه
تجـاذبـه الـعـروق الطيـبـه مابـيـن عــم وخـــال=ويزيده طيب راس وطيب ساس ونخـوه وهيبـه
حفيدالفارس اللي فوق دهم الخيـل صـال وجـال=كسـب بيـض الفعايـل فـي زمــانٍ عــاويٍ ذيـبـه
وريث المشيخه سـاس الزعامـه مرهـب العيـال=زبـون المستظيـم الـلـي تهـايـل فـوقـه مصيـبـه
هـذا راكـان بــن خـالـد لمـنـه صــك جــالٍ جــال=تنـصـاه الركـايـب مــن قـرامـة راســه وطـيـبـه
أبــن حثلـيـن زيــزوم السـرايـا وافــي الأفـعــال=عـلـى العلـيـا مـثـل صـقـرٍ عطيـبـاتٍ مضاريـبـه
على الطوله وفعل الطيب ثبـت منهجـه مـا مـال=يكـفـي لــي نصيـتـه فـلـة إحـجـاجـه وترحـيـبـه
يـابـو خـالـد بـوضـح حـاجـةٍ ماتجـهـل الـعـقـال=وكــلاً عـــارفٍ وش يـلـحـق الـرجــال ويعـيـبـه
خويك لي زهم باسمك وقال أفزع علي في الحال=أجـل ويـش الـعـذر بـكـره لمـنـه قـيـل والخيـبـه
ومـن خـلا خويـه عيـروه وقـالـوا ألـبـس شــال=ومن وقف معـه يصبـر علـى الوقـت ومشاهيبـه
ضحيـه بيـن عـادات ونـظـام وبـيـن قــال وقــال=وزمــانٍ ظـالـمٍ أركــا عـلـى راســـه مشاعـيـبـه
فأنـا بدخـل علـى الله ثـم علـيـك أتــورد الجـمـال=ألـيـن يـزيـن حـالــه ويتـهـنـى فـــي مشـاريـبـه
نبـي وجهـك وجاهـك يارفيـع الجـاه راس المـال=ووقفـاتـك وفزعـاتـك تـنـوش الـعـلـم واتجـيـبـه
وأنـا أدري إنـك كريـمٍ وافـيٍ واتـطـول ماتنـطـال=ومـن ينصـاك فـي الـشـده تحـقـق لــه مطاليـبـه

[مسفر مبارك]

صح لسانك ياسالم ، شاعر تستحق المتابعه دائمـاً ...!
والشيخ راكان يستاهل المـدح ...!
:
أتحفنـأ بجديدك دائمـاً ياغالـي ...!!
:

[someone]

صح السانك ولا هنت
وراكان بن خالد يستاهل ها المدح

[عايض الوقدان]

صح السانك يا سالم

قصيدة جميله ورائعه وشاعر رائع تستحق
الأعجاب ونص فاخر ..



الممدوح يستاهل والمادح كريم ويستاهل



تقبل أحترامي

[ابن وقــدان]

صح ألســـانك يـآ سـآلم .

وآلشيخ رآكـان يستــآهل المدح وجه وجـآه للقـريب والبعيـد .

لآهـنت على طرح آلجـزله .

[هادي بن فهاد]

صح السانك يا سالم ال مخلص على القصيدة الجزله


والشيخ راكان يستاهل المـدح

[راكان بن فيصل الحثلين]

كفو كفو والله ولاهنت ياسالم على هل ابيات وعمي راكان يستاهل
صح لسانك
وتقبل مروري

[بندر العجمي]

صــح الله لسانك



ويستاهل راكـــــــان بن خالد بن حثلين



والله لايشينك