في عرش قلبي تمكن

[لقاء السحاب]

بديار العز نور العين وافيته
من حسن حظي رمتني به مقاديري

جماله اللي سحرني لين حبيته
من حسن خلقه وطيبتة تاه تفكيري

احاول اشرح شعوري كل ماجيته
ومن الرزانه وثقله ضاع تعبيري

في عرش قلبي تمكن لين عزيته
يفوق حبه حروفي في تصاويري

من نار شوقي بنار الشوق هزيته
لين اتضح لي بذاته كل تأثيري

جيته وقلت الصبر ياهوه مليته
عطني الصراحه وبين كيف تقديري

قال الغلا في خفوقي انت حطيته
ويكفيني انك خيالي في مشاويري

على الوفا واحترام الحب وصيته
وشرحت له في وداعي عن معاذيري

وشلون في لحظة التوديع بكيته
حاولت اهديه لكن زاد تعزيري

اشوف دمعه ودمع الوجد هليته
عسى دمعي لدمع الزين تكفيري

[وافي بن وافي]

سلمتِ على هذه الرائعه و في انتظار الجديد المميز .. لكِ مني أجمل تحية .