طـواري الـغراااااااااام

[صالحه]

طواري الغرام تردني صوب وقت ٍ راح
على ايام عزّي يوم طرد الهوا عادي

وعقب ماتركت الجرح يظفر به الجرّاح
فلا ظنّتي برجع على العد ورّادي

وترى الحر لامن شام ماينفع الملواح
ولو صاح له راعيه مايرجع الغادي

خذينا من الدنيا فوايد بدون ارباح
ودرسنا سنين الصبر من قبل الاعدادي

عفا الله عن ذاك الزمن والغلا الذّباح
وعفا الله عن سيل ٍ تحدّر مع الوادي

بحور الهوا من طولها تتعب السبّاح
بحور ٍ بلا مينا بها الموج يزدادي

طريق الغرام بأوله يشبه التفاح
ولونه بلون الورد وايامه اعيادي

ونهاية طريقه درب مافيه غير اشباح
ودمعه وحزن وضيق وجروح واضمادي

وعسى كل ضيقات الصدر ياسعد تنزاح
ولاني بقايل ليت مافات ينعادي

لأن التمني كلمة ٍ مالها مفتاح
ونيل المطالب مايجي بالتّوجادي

ليا ضاق صدر الراعبي من همومه ناح
وانا لاتضايق صدري اقول ياهادي

أسّوي الجميل ولاترجى وراه ارباح
كفايه يبيّن بس فـ عيون حسّادي

كفوف البخيل ولو تمدّك تراها شحاح
ويعطي العطايا راعي الطيب والقادي

أسوج القدم وامنّي الروح بالأفراح
واخلّي ضعيف النفس واحب الاجوادي

وادوّر على الراحه وانا ماني مرتاج
وانا خابر الدنيا تبي صبر وجهادي

وياماحلا الفنجال معه الفكر ينساح
على ماذكر راكان من وقت الاجدادي

دلال ٍ تبهّر كيف والهيل فيها فاح
تنحّر على ضو ٍ توقّد توّقادي

تركنا الهوا وايام وقت الجهاله راح
مدام الهوا سم ٍ وعله للاكبادي



للشاعر حمد بن سعد المسّرع

[نسل يام]

لاهنتي اصالحة على نقل قصيدة الشاعر حمد المسرع.

[ناثرة الورد]

{{ صــالحــه }}
/
\
/
مشكوره على هالقصيـده الرائـ ع ــه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز
/
\
/
كل التحـــيهـ

[ليــه يازمـــن]

صح الله لسان قايلها

والله يعطيكِ العــافيه على الأختيــار الرائــع

[البندري القحطاني]

وترى الحر لامن شام ماينفع الملواح
ولو صاح له راعيه مايرجع الغادي

الله .. رااائعه ياصالحه صح نقلج

أسّوي الجميل ولاترجى وراه ارباح
كفايه يبيّن بس فـ عيون حسّادي



وصح السان الحر حمد المسرع

دمتي بهالتميز ياحلوهـ ..

[صالحه]

المشاركة الأصلية كتبت بواسطة نسل يام

لاهنتي اصالحة على نقل قصيدة الشاعر حمد المسرع.

لا هنت اخوي نسل يام على تواجدك الكريم

[صالحه]

المشاركة الأصلية كتبت بواسطة ناثرة الورد

{{ صــالحــه }}
/
\
/
مشكوره على هالقصيـده الرائـ ع ــه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز
/
\
/
كل التحـــيهـ

ناثرة الورود

الله يعافيج ياقلبي وقواج الله ومشكوره على تواجدج الطيب

[برميل فاضي]

تراااااااااني مريت صالحه
قولي شكرا ع المرور

لكن ...... سلمت يداك

[الغروب]

صالحه

اشكرك على الاختيار الطيب

وصح لسان شاعرها

تقديري.

[وافي بن وافي]

رووعه ياصالحه صح لسان الشاعر حمد المسرع وسلمت يداكِ على هذا النقل الممتع تقبلي تحياتي وتقديري