شمس الاصيل

[ابو جمال المنيس]

بين شمس الاصيل وبين شمس الخيال=صار عند العيون العور نـوع إشتبـاه
لاتضيـع الحقيقـه ياكـرام السبـال=بين شمس الشريطيه وشمس الشـراه
شمسنااللي لها نورولهيـب وضـلال=ماتغطـي حقيقتهـا فتـوق العـبـاه
تنبت الـزرع وتعيـد الحيـا للرمـال=وترسل النـور للظلمـا بكـل إتجـاه
وشمسكم للخلاالخالي على كـل حـال=في نظركم تمام وفـي عيونـي جـذاه
ماحسبت العيون اللي كذا راس مـال=وكان جأ الفقر منكم وش نبي بالغنـاه
يكفي إني مثل شمـر وانـا أبوجمـال=من تـردت ظروفـه دوم نثنـي وراه
بيت مقيول لكن قـول شمـر حـلال=نفتخر فيـه ونحطـه حِـدأ ونحـداه
ما تغيّرت مع عوج السنيـن الطـوال=حسب ظني وكلٍ لـه هـدف بالحيـاه
صار بيني وبين أهل المعرفـه جـدال=لكـن السالفـه ماوصلـت لمنتهـاه
مع صديقٍ يبيّـن مـن هـلال لهـلال=وكل ما جيت أقـرب لـه تبعـد وراه
وكل ماأبعدت عنـه يجنـي الإتصـال=منه يشكي علي همـه وهـم خويـاه
من يبي يعرفه مـا دام فيهـا مجـال=قبل لا يتقـي عنكـم يجـوّد خطـاه
فيه سرعة جنوب وفيه نسمة شمـال=وفيه من غرب حايل نخلتين وحصـاه
وفيه هدت شجاع وفيه جفلـة غـزال=وفيه حلم وعصى ضده قصرعن عصاه
وفيه ما فيـه لكـن محتـرم لايـزال=فيه مر العـلاج وفيـه حلـو الميـاه
لكن إنه معي قـرّب مـن الإنفصـال=مادري وش بـلاي ولادري وش بـلاه
وإن دريتوا يأهل شمس الأصيل الرجال=لاتناسون مـا باقـي بطهـران شـاه

ابو جمال

[ليــه يازمـــن]

يكفي إني مثل شمـر وانـا أبوجمـال
من تـردت ظروفـه دوم نثنـي وراه

صــح الله لســـانك ونعــم فيــك وبشــمر

تقبـــل تحيــتي

[ابو جمال المنيس]

المشاركة الأصلية كتبت بواسطة ليــه يازمـــن

يكفي إني مثل شمـر وانـا أبوجمـال
من تـردت ظروفـه دوم نثنـي وراه

صــح الله لســـانك ونعــم فيــك وبشــمر

تقبـــل تحيــتي

صح بدنك وماعليك زود انت والعزوه الله انت منها

والف شكر على المرور الطيب

[الغروب]

ابوجمال المنيس

صح لسانك على الابيات الجزلة

تقديري.