ولاتفكر في غناة ولاتفكر في فقر () يشفع لبيضان الصدور حظوظها وفعولها

[مانع الوعيلي]

من أروع قصائد الشاعر الكبير / سعد بن جدلان الأكلبي .


أتمنى أن تحوز الرضا من الجميع .


*** *** ***



ياذا الجلال اللي عروشك فوق وأملاكك حـدر
ومهما تسامت به عروشه مستحيل يطولهـا

يا حي ياقيـوم .. يـاذات الأنافـة والكبـر
ما نافسك في عظمتك مكـر العبـاد وهولهـا

وما نافسك من عمر بيوته على سطح القمـر
واللي ترسي فوق أقاليـم الميـاه سطولهـا

ماانته بحاجة من عبد ولا بحاجة مـن كفـر
ولا بحاجـة ثابـت الدنـيـا ولا منقولـهـا

أنت السميع لمن حمد وانت المزيد لمن شكر
واللي مايشكر نعمة المنعـم عليـه تزولهـا

ياذا الجبروت العظيم ويـا القديـر المقتـدر
تفزع لنا في معضلات(ن) مانريـس حلولهـا

تلعب بنا خلان .. فرغتنا كما لعـب الكـور
إن أقبلت صاحوا لها وان دبرت صاحوا لهـا

لا هبنا الطايف بعض الأحيان في فية عصـر
شهب الليالي مـن ورانـا يسحبـن ذيولهـا

أنت السلام اللي لك الإسلام وانت المشمخـر
اللي عجايب قدرتك فـي المعجبيـن ذهولهـا

سلام يامحمد رسول الله راعي الوجه الأغـر
وسلام ياروح(ن) ملائكة السما صلـوا لهـا

سـلام يابوبكـر ياعثمـان ياعلـي وعمـر
وسلام ياسبـع الآفـاق أطلالهـا وسفولهـا

سلام ياصدق النوى سـلام ياوسـع الصـدر
سـلام يامفتـاح بيبـان الفـرج وقفولـهـا

وسلام ياشمس الضحى تشرق على بر وبحر
وتشرق على كل الديـار جبالهـا وسهولهـا

وسلام يا غر السحاب اللي تبجـح بالمطـر
وشم الجبال اللي تبجـح بالسحـاب قذولهـا

وسلام ياهوج الرياح اللي عطاهـا مستمـر
مهما خذوا منها من الحسنات مـاردوا لهـا

ليت الرحاب اللي لنا بوجيههـا حـق وقـدر
ما تضمحل من الزمان ولانشـوف سمولهـا

وياليتنا لاما سرحنا اليوم الأبيض من فجـر
تبطي عبات الليل ماتضفـي عليـه سدولهـا

والا ليا منها ضفـن سدولهـا يطلـع بـدر
ياصل ضياه اللي على الكوره تطق طبولهـا

المعتبر ياخذ على الدنيا دروس مـن العبـر
والنـاس يكسبهـا معاملهـا بقـد عقولهـا

أحيان تصدف لعبة الشاطر مع غلطـة عمـر
مره .. لكن لاعدت الغلطـه ماعـاد ينولهـا

حنا عرفنا كلنا ماطال من شـي(ن).. قصـر
والأحلام ماتوا قبلنا شرهين ماوصلـوا لهـا

حتى الجمال اللي تحملها الهقـاوي بالصبـر
يالله بحملتهـا تقـوم وتـدرج بحمولـهـا

والحب سيسان العبـاده والعبـاده بالجهـر
إن ماقدرت تقولها وجـه الصحيـح يقولهـا

يسرون عميان المحبه تيه في غـدرا الغـدر
للي تحـد سيوفهـا واللـي تعـن خيولهـا

ولاتفكـر فـي غنـاة ولاتفكـر فـي فـقـر
وتشفع لبيضان الصدور حظوظهـا وفعولهـا

وأهل التكلف بالمعرفـه والتصنـع بالبشـر
والله ماهي حول الصحيح ولا الصحيح بحولها

اللي يفضل مايقيم بو ميه مـن بـو عشـر
حتى الفضوليه عن الفاضل بطـل مفعولهـا

اللي تخبره لحيته ذا .. طولها يصبـح بـزر
واللي تخبره بزر يصبح لحيته ذا .. طولهـا

[وافي بن وافي]

بيض الله وجهك يامانع الوعيلي على نقل هذه الرائعه وصح لسات المدرسه الشاعر.. سعد بن جدلان الاكلبي تقبل تحياتي وتقديري

[مانع الوعيلي]

لاهنت اخوي وافي بن وافي على المرور ويعطيك الف عاااااااااافيه

[ليــه يازمـــن]

صح الله لســان إبن جــدلان

ولاهنت على مــاقدمت

[مانع الوعيلي]

لاهنت اخوي ليه يازمن على المرور ويعطيك الف عااااااافيه

[نيَـة فراق ..!]

كل نص لهذا [ الع ـملاق ] .. درس ..!

صح لسان الاكلبي .. ولاهنت يا مانع

تقبل تواجدي هنا

[قآيدة الغزلآن]

المعتبر ياخذ على الدنيا دروس مـن العبـر
والنـاس يكسبهـا معاملهـا بقـد عقولهـا


الله الله

صح ذوووقك .. ولآهنت على هالرآئعه ..~

[مانع الوعيلي]

لاهنت اخوي نية فراق على المرور ويعطيك الف عاااافيه

[مانع الوعيلي]

لاهنتي اختي قايدة الغزلان على المرور ويعطيك العافيه

[شايب الهاص]

لاهنت طال عمرك .

صح ذووقك يا ذووق.