صـديـت عـنـي .. / .. ( تبطي عظم ما رحت ألاحق خطاويك ) new

[خالد بن رمثان]

السلام عليكم و رحمة الله و بركااته ..


تقبل الله صيامكم و طاعتكم ..


أهديكم هالقصيده و أتمنى إنها تعجبكم ..
..

..





صديت عني تحسب إني بناديك !!
لا تحسْب إني بتبعك يوم تقفي ..

( تبطي عظم ) ما رحت ألآحق خطاويك !!
وقت ٍ مظى وياك فالحب يكفي ..

أنا عسفتك / يوم كل ٍ عجز فيك !!
و أنت الذي قد قلت : يا صعب عسفي ..

كنت آتباشر فيك / يومنّي أغليك !!
و كنت أدمح الزلات و تصير معفي ..

وكنت أوصفك لين أتعبتني مواريك !!
و صرت أكرهك و أكرهـ مفاهيم وصفي ..

الحين يا ( غدار ) بانت بلاويك !!
من ديرة شعوري بخليك منفي ..

ما عاد أبي شوفك و لانيب راجيك !!
و لا عاد أفكر كان في يوم تلفي ..

يالله توكل / لا تجيني و لا آجيك !!
قلبي نطقها و أصدق الصوت مكفي ..

أنت السبب يا بايع ٍٍ قلب شاريك !!
أخفيت جرح ٍٍ منْك ماهوب مخفي ..

و الحين !! ( فارقني ) فلانيب هاويك !!
وقت ٍ قضيته في بلاويك يكفي ..


.. و سلامكتم ..