علمني انت بتجي أو عادك مطوّل ؟ ؟ ؟ لني صراحه تعبت اشتاق ماشوفكـ . لـ : حمد المسرع

[صالحه]

السلام عليكم جميعا ً انقل لكم قصيده للشاعر : حمد بن سعد المسرع ارجو ان تحوز على اعجابكم جميعا ً





عنوا ن شوقي عسى ماشر يامطوّل ؟ == قلبي يحاتيك وعيوني تبي شوفك


بين البلادين سبع شهور متجوّل == تتبع هوا النفس ماحاتيت مصروفك


في ديرة ٍ جوّها عز الله يهوّل == مرتاح منها وفيها تتبع شفوفك


من زينها ماتبي ترجع ومتهوّل == وتقول ليتك معي لو تسمح ظروفك


من عزّها ماتلاقي شخص متسوّل == فقيرها مايبي عطّفك ومعروفك


لو الأماني كثر محتجتها تنوّل == شفتك حقيقه بدل ماخاوي طيوفك


النفس ياكثر ماكانت لي إتّسوّل == وحتى ولو سوّلت لي مقدر اعوفك


اي والله اني عليك اشد واعوّل == متى يهل المطر من عالي قنوفك ؟


ارجع ترى شوق قلبي صوبك مفوّل == سلّم علي وامسك الكفين بكفوفك


ماهوب انا اللي تجي تلقاه متحوّل == انت المعزّب وانا من خيرة ظيوفك


علمني انت بتجي أو عادك مطوّل ؟؟؟ لني صراحه تعبت اشتاق ماشوفك


للشاعر : حمد بن سعد المسرع

__________________

[ليــه يازمـــن]

صح الله لسان شاعرها

ومشــكوره على الذوق الرائـــع

تقبلي تحيتي

[البندري القحطاني]

ماهوب انا اللي تجي تلقاه متحوّل == انت المعزّب وانا من خيرة ظيوفك


الله درهـ هالشااعر العذب .. والرائع ..

والله درج ياصالحة على هالذائقة ..

صح الساانه ودام بهالروعه و العذوبه ..

[عمر الرشيدي]

وعليكم السلام و رحمة الله و بركاته

صح السان الشاعر

ولاهـنتي على النقل الجميل الاخـت ][ صالحـه ][

يعطيج الله الف عافيه

تقـبلي تحيـأتي ][ عــمر الرشــيدي][

[ناثرة الورد]

{{ صـالحـه }}
,
,
آآبداع غير مستغرب
دمتـي بهذا الرقي
تقديري ..,

[صالحه]

المشاركة الأصلية كتبت بواسطة ليــه يازمـــن

صح الله لسان شاعرها

ومشــكوره على الذوق الرائـــع

تقبلي تحيتي

ليه يازمن الشكر وموصول لك والاروع هو هذا المرور الجميل لا هنت

[صالحه]

المشاركة الأصلية كتبت بواسطة البندري القحطاني

ماهوب انا اللي تجي تلقاه متحوّل == انت المعزّب وانا من خيرة ظيوفك


الله درهـ هالشااعر العذب .. والرائع ..

والله درج ياصالحة على هالذائقة ..

صح الساانه ودام بهالروعه و العذوبه ..

اختي البندري القحطاني يامرحبا بك تراحيب المطر

يستاهل شاعرنا المبدع حمد المسرع هذ الاطراء الجميل منك وهو بالفعل شاعر عذب وانا استمتع بقصائده

اشكرك واسعدني تواجدك البهي اختي البندري

[النـوف]

الله الله .. رائعــة


الف شكر على الذائقة الجميلة و الاختيار الارورع للشاعر المبدع ../ حمد

و الشاعر على ما اعتقد من شعرائنا بالمجالس الله يوفقه و يستاهل

دمتِ بسمو

[وافي بن وافي]

صــــــالحـــــه لاهنتي وسلمت يداش لامتاعنا بروائع هذا الشاعر المبدع تحياتي وتقديري

[الريمي 2009]

صالحه
تسلمين على الاختيار المميز

تقبلي مروري