ماذا قال سعــــد بن جدلان في خارطـــــــة الطريق !!!

[عويضه الوقدان]

أسعد الله أوقاتكم بكل خير

أضع لكم هذه الرائعه للشاعر الكبير / سعد بن جدلان الأكلبي

,
,
,

يا ذا الجلال اللي عروشك فوق واملاكك حدر=ومهماً تسامت به عروشه مستحيل يطولها
يا حي يا قيّوم يا ذات الأنافة والكبر=ما نافسك في عظمتك مكر العباد وهولها
وما نافسك من عمّر بيوته على سطح القمر=واللّي ترسي فوق اقاليم المياه سطولها
ما انته بحاجة من عبد ولا بحاجة من كفر=ولا بحاجة ثابت الدنيا ولا منقولها
أنت السميع لمن حمد وأنت المزيد لمن شكر=واللي ما يشكر نعمة المنعم عليه تزولها
ياذا الجبروت العظيم ويا القدير المقتدر=تفزع لنا في معضلات ما نريس حلولها
تلعب بنا خلاّن فرغتنا كما لعب الكور=أن اقبلت صاحوا لها وأن دبّرت صاحوا لها
لا هبّنا الطايف بعض الأحيان في فية عصر=شهب الليالي من ورانا يسحبن ذيولها
أنت السلام اللي لك الإسلام وانت المشمخر=اللي عجايب قدرتك في المعجبين ذهولها
سلام يا محمد رسول الله راعي الوجه الأغر=وسلام يا روح ملائكة السما صلّوا لها
سلام يا بو بكر يا عثمان يا علي وعمر=وسلام يا سبع الآفاق أطلالها وسفولها
سلام يا صدق النوى سلام يا وسع الصدر=سلام يا مفتاح بيبان الفرج وقفولها
وسلام يا شمس الضحى تشرق على بر وبحر=وتشرق على كل الديار جبالها وسهولها
وسلام يا غر السحاب اللي تبجح بالمطر=وشم الجبال اللي تبجح بالسحاب قذولها
وسلام يا هوج الرياح اللي عطاها مستمر=مهما خذوا منها من الحسنات ما ردوا لها
ليت الرحاب اللي لنا بوجيهها حق وقدر=ما تضمحل من الزمان ولا نشوف سمولها
و ياليتنا لاما سرحنا اليوم الأبيض من فجر=تبطي عبات الليل ما تضفي عليه سدولها
ولاّ ليامنها ضفن سدولها يطلع بدر=يا صل ضياه اللي على الكوره تطق طبولها
المعتبر يآخذ على الدنيا دروس من العبر=والناس يكسبها معاملها بقد عقولها
أحيان تصدف لعبة الشاطر مع غلطة عمر=مره لكن لا عدت الغلطة ما عاد ينولها
حنا عرفنا كلنا ما طال من شيء قصر=والأحلام ماتوا قبلنا شرهين ما وصلوا لها
حتى الجمال اللي تحمّلها الهقاوي بالصبر=يالله بحملتها تقوم وتدّرج بحمولها
والحب سيسان العبادة والعبادة بالجهر=ان ما قدرت تقولها وجه الصحيح يقولها
يسرون عميان المحبة تيه في غدرا الغدر=للي تحد سيوفها واللي تعن خيولها
ولا تفكر في غناة ولا تفكر في فقر=وتشفع لبيضان الصدور احضوضها وفعولها
واهل التكلف بالمعرفة والتصنع بالبشر=والله ما هي حول الصحيح ولا الصحيح بحولها
اللي يفضّل ما يقيم بو ميه من بو عشر=حتى الفضولية عن الفاضل بطل مفعلوها
اللي تخبره لحيته ذا طولها يصبح بزر=واللي تخبره بزر يصبح لحيته ذا طولها

[وافي بن وافي]

الله لا يهينك ياعويضه الوقدان و صح لسان ابن جدلان

[النـوف]

الشاعر/ سعد بن جدلان

شاعر كبيـر لا يستهــان به

تسلم و يسلم بن جدلان على هالقصيــدة



دمت بسمو

[عويضه الوقدان]

وافي بن وافي


النوف


تشرفت بمروركم الرائع
لاعدمناكم
تقبلوا تحيتي

[ابوعبدالرحمـن]

عويضه الوقدان
لاهنت على إيراد هذه الرائعه لأحد أعلام الشعر النبطي

[" مــــابه جديــــد "]

انشهد انه يغرف من بحر

لااهنت ياعويضه على ذالرايعه

[shmoo5_ al_ajmy]

عويضه الوقدان

لاهنت علي النقل المميز

وح لسانك ولسان شاعره تحياتي

[نيَـة فراق ..!]

يسرون عميان المحبة تيه في غـدرا الغـدر
للـي تحـد سيوفهـا واللـي تعـن خيولهـا

ولا تفكـر فـي غنـاة ولا تفكـر فـي فقـر
وتشفع لبيضان الصدور احضوضها وفعولهـا


الله الله

رائع ـه .. هذه المترفه ..


صح لسان النابغ ـه .. ولاهنت


تقبل تواجدي هنا

[عايض الوقدان]

شامخه

ومن أروع روائع ابن جدلان



تسلم يا بو حسين على النقل ولاهنت

[((الغنج))]

صح لسان شاعرها

القدير \ عويضه الوقدان