.. ( الـرحـلـه الـثـالـثـة مـع .. الـكـابـتـن .. الـشـاعـر .. عايض العجمي ) ..

[خالد بن رمثان]

السلام عليكم ورحمة الله وبركاته



عايض العجمي



يكتب أبياته بنبره حاده من الحزن


تسير أفكاره حسب اختياره


لقصائده لونها الشعري الخاص



تــابــعــونــاا ..

[العـــسر]

أختيار فوق ممتاز






عايض العجمي إستاذ شعر وله بصمته في مجالس العجمان




لاهنت يا خالد بن رمثان أنت وبن ملبز على مجهودكم الطيّب


موفقين خير





تقبلوا مروري

[خالد وبس]

عايض العجمي

شاعر مبدع
ويعجبني اسلوبه الجميل فالقصيده وتركيبه للبيوت وجزالته
يعني تعجبني كل حروفه بشكل عام



لاهنت يا خالد
وبيض الله وجهك

[خالد بن رمثان]

البارحه قلبي وعقلي فالخبر
سارح مع اللي خاطري منساق له
في غيبته مال العيون الا السهر
يا الله عسا طول البطا ما لاق له
ضميان أنا فالبعد ووصاله مطر
ماراق لي جرح الهوى لو راق له
تعبت من طول المفارق والهجر
والعشق سلال العقول العاقله
استوطن الخافق وقلبي له مقر
وماهي غريبه لو سكن خفاق له
الغالي اللي حدني عنه القدر
مشتاق له مشتاق له مشتاق له

[خالد بن رمثان]

يا جرح الايام تكفى لا تبكيني
جفت دموعي وانا ابكي من معناتي

وش عاد باقي بعد ضيعة عناويني؟
وش عاد باقي عجزت الملم شتاتي؟

اضحك كذا بس لاجل اقهر عدويني
منتي من القلب ياالبسمه على شفاتي

هزيت غصن الطموح وطاحت سنيني
مدري متى تصدق ضنوني وهقواتي

اخايل البعد والذكرى تسريني
ودرب العنا فيه ما تقصر مسافاتي

الحن الشوق وبصوته يغنيني
وتخط يمناي صدق الشعر فأبياتي

عسا يعود الحبيب اللي مجافيني
ويزين وجه الفرح وتغيب مآساتي

من وين ما ألد عيني تلمحه عيني
واشوف طيفه بروحاتي وجياتي

اي والله اني احبه حب مغويني
من بين هالناس هو اللي سكن ذاتي

ياليل قله عن اللي مأثرن فيني
تعبت اكابد هموم القلب واحاتي

ماني بمرتاح / و غيابه معنيني
وان جيت ابرتاح يفضحني تنهاتي

ان كانه اليوم بايعني وناسيني
حسبي على الحب ضيع لي طموحاتي

[خالد بن رمثان]

تدرين قبل اعرفك عايش بهم وسقيم
اطرد سراب السعاده عام يقفاه عام

وتدرين قبل اعرفك عايش وحزني نديم
اضحك واجامل بضحكاتي عيون الانام

وفي غيبت النور وحضور الظلام العتيم
مريتي البال وانزاحت سدول الظلام

جيتي ولا يشبهك في جيتك غير غيم
تروي هماليله القيعان شرق(ن)و شام

آحييتي امآل شاعر كل ليله يهيم
ورسمتي احلام عمره بين شوق و هيام

يا اجمل من الورد لا داعب هبوب النسيم
يا اعذب من الشعر لا ترجم شعور الغرام

البعد عنك جحيم القرب منك نعيم
عليك يا ملهم الاحساس مني سلام

هاك الوفا من يميني عهد وانا كريم
وان شان وجه الزمن تبقى وعالي مقام

[بطاح]

الله الله


الشاعر عايض العجمي .. شاعر متمكن ومبدع


قصايده كلهـا جازت لي في متصفحـة بقسم غيوم ماطــره



لكن فية بيت شدنـي كثيـر يقول عايض فيـة :


تبي تعرف شلون عايش حياتي؟,,,,,,,,,,,,,,,,,,,,,,اعكس حروف اسمي وتلقى الاجابه


,,



خالد بن رمثــان .. لا هنت يالغالـي على هالموضوع الجميـل واللي يدل على طيبك وطيب معدنك



تقبــل مروري

[عويضه الوقدان]

خالد بن رمثان

لاهنت على الأختيار الموفق



عايض العجمي


شاعر جزل ومتمكن من أدواته الشعريه

وشهادتي في عايض مجروحه جداً

لكن مايمنع أن أبدي أعجابي بشخصه وبشعره

تقبلوأ تحيتي

[خلاوي الشمالي]

عايض العجمي

شاعر جزل بمعنى الكلمه له اسلوبه الخاص في الطرح

له مامميزه من ابيات ذوووق راقي احساسه وشعووور رائع الى ابعد الحدوود

لاهنت يابومانع عالمجهووود

[هادي بن فهاد]

عايض العجمي

شاعر جزل بمعنى الكلمه له اسلوبه الخاص في الطرح
شـكــ وبارك الله فيك ـــرا لك ... لك مني أجمل تحية .