سالفة الملك عبدالعزيزمع احد اصحابه

[راكان اليامي]

كان الملك عبدالعزيز رحمة الله عليه من عشاق القنص

وفي احد رحلاته للقنص ذهب معه نافع بن فضيله

وهو لايعرف القنص بالطير ولم يكن الملك يعلم بذلك

وقال له الملك خذ معك طير تقنص فيه فرد عليه نافع

باني لااعرف القنص بالطير فغضب منه الملك وقال لطباخه ويدعى نصار

خذه معك واتركه مع القدو والحمله

ورد عليه نافع بهذه القصيده :

ياشيخ ياللي من صواريم سنجار = عساك تبطي ماتطب القبوري
عساك ماتعرض على واهج النار = الله يجيرك من جميع العثوري
تقول وده ياولد يم نصار = عقب الجنيبه صرت بين القدوري
لاني بصقار ولا بوي صقار = ولاني من اللي ينقلون الطيوري
حنا صقارتنا على جيش وامهار = اللي مواقفنا تسد النحوري
انا وفيقك يوم نصف العرب بار = ولاني من اللي بالمعزب يبوري

ولما سمع القصيده الملك اعطاه هدية جزله

وكان الملك عبد العزيز كثير المزح مع نافع وفي احد ردياتهم
قال له الملك

لاعاد لاتصقر ولا انت بشواف = نقلك عليه من كبار البلاوي

واتمنى ان تحوز القصه والقصيده على اعجابكم

[فزاع]

حنا صقارتنا على جيش وامهار
اللي مواقفنـا تسـد النحـوري

الله الله الله

لا هنت يا ابو سالم على ذا السالفة والأبيات الرائعة تسلم يمناك يالاجودي.

[العوووود]

الاخ راكان لاهنت يالذيب على القصه والقصيده اختيااااااااار موفق

تحيااااااااااااااتي

[الخليجي]

لاهنت ياراكان

[راكان اليامي]

هلا وغلا يافزاع وتسلم على الرد يالغالي

[راكان اليامي]

هلا وغلاا يالعوود وتسلم على الرد يالغالي

[راكان اليامي]

هلا وغلا ياطي حالي وولا انت يالغالي

[علي اليامي]

الاخ راكان لاهنت يالذيب على القصه والقصيده اختيااااااااار موفق

تحيااااااااااااااتي

[راكان اليامي]

وولا انت ياعلي اليامي

[العنيد]

ياشيخ ياللي من صواريم سنجار
عساك تبطي ماتطـب القبـوري

عساك ماتعرض على واهج النار
الله يجيرك من جميع العثـوري

تقـول وده ياولـد يـم نصـار
عقب الجنيبه صرت بين القدوري

لاني بصقـار ولا بـوي صقـار
ولاني من اللي ينقلون الطيوري

حنا صقارتنا على جيش وامهار
اللي مواقفنـا تسـد النحـوري

انا وفيقك يوم نصف العرب بـار
ولاني من اللي بالمعزب يبـوري


لا هنت يا ابو سالم على ذا السالفة والأبيات الرائعة تسلم يمناك يالاجودي.