مساء الخير
لا صرت ابي اشوفك وانا ضايق البال ..؟
ما للوفا والــــشـــــوق غيــر الرسايل
......................................
جيتك من اقصى الحقيقه
( نفس مذبوحه )
ماعاد فيني صبر يمك يخاويني
دخيل وجهك ترا لي ( رووح مجرووحه )
تعبت من المستحيل وعــذبت فيني
يامن له في حياتي شي مابوحه ..؟
وشلون أبضحك ( ونظراتك تبكيني )
.......................................
يا طيبها خوتك يا طيب الساس
ما والله انسى خوتك لو دقيقه
لي الشرف في خوتك وارفع الراس
خوه معك تجلي من القلب ضيقه
الطيب اللي كاسبن كل نوماس
مثلك عسى ربي يسهل طريقه
.................................
غيرك يغييب ولا خطر لي على بال
الا انت لا غبت أنشغل فيـــك بالي
يوم ابعدوا وابعدت عنـــي بالاميال
ارخصتهم الا انــت لازلت غاالي
.................................
لبىى عيونك ولبىى الخد والشفه
وخشيمك اللي على صغره برى حالي
تقول لا شفت زولي صابتك خفه
( يووووه )
انا لا شفت زولك جاني ( اخبالي )
..............................
القلب نبضاته تزايد من الخوف
والدمع جاوب من شكى القلب خوفه
خايف يعدي باقي العمر ويطوف
مقدر اشوفه بس اسامر طيوفه
ما عاضني عنه رسالات وطيوف
ولا اقدر اعيش العمر اقره حروفه
تدري متى حسيت في قيمة الشوف
يوم انه قدامي واناظر وصوووفه
والا بدونه فاقد العين مكفوف
وان راح عمري ما لقيته حسوفه
قولوله اني من عنا الشوق ملهوف
ودي بشوفه بس ودي بشوفه
لا يعتذرلي بنشغالات وظروف
قله عشاني يعتذر عن ظروفه
تراه في عيني مشبه وموصوف
عكس القمر لا صار حزت خسوفه
وان كان وده يكسب اليوم معروف
قولوله أن خـاطري بـــس أشوفه
.......................................
سهران عيني تحتري شفت النور
حيث النهار اشغال والليل طاري
ترسي علي افكار بالليل و دور
والله يعين اللي مع الهم ساري
مجبور لا والله ماني بمجبور
يزورني طيفك وتطري طواري
يا صاحبي ياللي لك سنين مغرور
ماأنساك وبقالك مع الناس شاري
احذف غرورك بين الجواد ببحور
ورجع على طبعن عرفته حضاري
يا صاحبي تدري لي لسان مشكور
لو تجلس بجمبي بساعة نهـــاري
ودي تعرف اني من الوقت محشور
وودي تعرف انك سبب كل ناري
طيفك يعذبني وانا صرت مسحور
في ذمتي حبك مع الــدم جــاري
تعال لا تخشى ترا العلم مستور
انا أختيــارك مثل منــت أختياري
وأن رحت عني يامنى العين معذور
يبقى الغلا في داخـــلي وانت داري
غيرك اذا مادق قلنا سهالات
يعني بلا حقران ماهو ضروري
بس انت صوتك غير عن كل الاصوات
ماغير صوتك صوت حرك شعوري
من جد وينك ؟ ليه غايب ؟ سلامات
شف كيف بـارد في غيـابك حضـوري
بـلاك مــاتدري بحـجــم المـعانـــات
لا غاب صوتك غاب معنى سروري
يامن على عهدك عـرفــت المسـرات
وانقذتنــي من وسط غبـة بحوري
جيـت وملأ حبـك جميـع الفراغات
وماغيرك أحد صار يرضى غروري
............................................
لا واعذاب اللي من الضيق مرضان
يعيش في عكس الحــياة السعيــــده
يا هاجسـي أبلشتني خاطري شان
مابه بشـر يفـهم وش اللي تـريده
بس الوكاد أني من الضيق سهران
مـــدري تشيل الهـم ولا تـزيـده !!!؟
........................................
طالبك خذ قلبي معك لا تخليه
خذه ترى ما عاد لي فيه حاجه
لا صرت عني مبعد وش أبي فيه
خلـه معك مادام صعــب أنتواجه
مالي مـزاج أحب غيرك واحاكيه
حتى لو أني كنت داخـــل مزاجه
اموت في جرحك واحبه وأداريه
وخايف مع الايام القــى علاجه
كمل جميلك طالبك لا تخليه
خذه ترى ماعاد لي فيه حاجه
..........................................
اغيب ويكبر لك ( غلا ) داخل الروح
ونبقــى على ما قيــل ربــع ( وحبايب )
........................................
من هجوس البعد وافكار الخيال
ومن ضمير بالمحبــه ما يميل
يا سلام الله على قرم الرجال
هو عميلي يوم كل له عميل
تشترا خوتك يا وافي الخصال
يا عديل المجد يا زين الدخيل
القلوب الصافيه عز ووصال
ما يفــرق بينــها مليــون ميل
لا تشوف الوقت كان الوقت طال
شـوف قدرك داخـلي وزنه ثقيل
............................................
اخوك اخوك ولا تغيره الايام
وانا عضيدك في نهار الشدايد
لا جاء نهار فيه ولد الردي نام
ما نترك سلوم العرب والعوايد
رقمي مدون ضمن مجموعة أرقام
اطلــبه لا صـدك عسيـــر وكايـد
.................................
بيض الله وجه صدمات الليالي
علمني كيف اعرف اللي معي واللي عليه
لعنبو جد الطعون ان جت من غالي لغالي
ولعنبو جد الخوي اللي يجنب عن خويه
......................................
انا معك قدام ماني مخليك
حبل الغلا من بيننا لا تهده
يا عزوتي ان ضقت صوت وانا اجيك
واللي يضايقنا لزومن نــــــصــــده
انا وما أملك ترى بين أيــاديــك
يمنـــاك يالغالي ولا عنك صده
.....................................
سلام مثل الشيك بأثنين مليون
يزيد في قلب الفقير الوناسه
بالله ياللي صوب داره تمرون
ودو ســلامــي له بليا قياسه
قولوله :
ان الشـوق يا ناااس ملعون
يحـد قلب الأدمـــي للعماسه
وانا على شوفه شفوقن ومفتون
شوق المرشح لأنتخــــــابــــات
( الرئاسه ) !!!؟؟؟
........................................
اصعب الحظات فرقا من تخب
لا مشى وانت احكمت فيك الظروف
وقتها يكويك فـــي قلبــــك لهــــب
ومالك الا أهــ مع صفق الكفوف
الحسـافـه والـمـلامـه والـتــعــب
لا مشى غاليـك وعيونك تشوف
.........................................
مثلك من الرجال يستاهل المدح
وشلون ما امدحك وانت ارجل الرياجيل
........................................
هبت زعل والظاهر أنه فراق
لو طاوع الفرقى بصافح يمينه
والفرقى بدون اسباب كحبلن بالأعناق
لو بقـاها مصـده عز الله بـــــهده
......................................
مادمت مغليني ما أبي غيرك انسان
وش لي بخلـق الله لا صرت جمبي
.......................................
لا صرت جنبي اعرف ترى ماعلي ضيق !
الضيق والله لا التــفـــت و فــقــدتـــك !!
....................................
طبع نمر وغزال تجمعن فيك
سبحان من جمع رقه وشراسه
ناسن تقوم تحرس من يجي الليل
وانت الليل لازمك حــراســـه
نسبت الحلو ميه بالميـــــــه
لكن نسبت جمالك سبع ميـه
.....................................
في عشرتك ماشفت انا غير الاخلاق
تعلا وترقا في طباع رفيــــعــــــه
تدري بقلبي حامل لك أشواق
حمل ما تقدر تشيله الوسيعه
هذا لأنك تسعد القلب لا ضاق
ولأنك اذا جـار الزمن ماتبيعه
........................................
اول احسب انك اذا غبت عادي
واليوم لا عـــادي ولا قاله الله
حتى رقادي ما تهيا رقـــادي
وحتى السهر ماعاد جفني يمله
أثرك مولعني وانا فيك غادي
وأثر الهوى طوق على القلب كله
.........................................
جازيتني بالجفا ........ واقفا بك عنادك !
خليــتني وانــت حــالــف ( ما تخــليـني )
........................................
أكبر مصيبه لا تولعت بأنسان
والشوق يمه يحملك ما يهدك
لا صار مقفي وانت بالحيل ولهان
قلبك يبــه وعــز نفسك تـحـدك
تبغى عــذر لـجـل اتصالك على شان
تــعــرف علومــه والكرامه تــردك !!
.......................................
لا تضايق ياخوي ترا الدنيا بخير
لا تضايق دام رجلي تدوس اترابها
أتكل واحتزم بي لو يصير اللي يصير
نفسي ان ما حبتك لعنبو من جابها
.................................
علمتني اسهر الي طلعة النور
عودتني كل ما اشتهي الوصل القاك
اعرف تراي ان غبت صدق معذور
بس المهم أني على طول ويــــــاك
اضحك مع ربعي ولاني بمسرور
سارح بفكري واشتكي ضيم فرقاك
...................................
لبيه لله ثم لبيه لعيونك
ياللي تسوق الرسايل صوب جوالي !!
هلا وغلا وكيف الحال وشلونك ؟؟
انا على ماتبي فالمـــر والحـالـي
..................................
انشهد اني صرت ياخوك محروم
من طاري اللي زايــده بالدلالـي
واليـون انا محـروم حتى من النوم
يا عزتـي للعين شف وش جرالي
من عقب ماني ارقد الليل ماقوم
عــزاه قبـل الحب دالــه وسالي
واليـوم لا والله انا صرت مهموم
ياليـــت يرجع وقــتي اللي مضالي
......................................
في ذمتي انك معي وين ما اكون
مسكنكـ روحي يا بعد كل غالي
....................................
عسى الفرح دايم يغــرد بدنياك
وعسى الحزن يمك يضيع طريقه
.................................
يا مرحبا يا نور عيني وسهلين
ياللي بدونك يصبح الصدر ضايق
يالصاحب اللي شوفتك تسعد العين
ماغيـر زولـك لـي مـع الناس لايق
لا صرت عندي كني أملك ملاييين
وان غبـت عني قمت ( اعد الدقايق )
....................................
قلي عن اخبارك وكيف الزمن فيك ؟
وكيف الليالي معك ياجعلك بخير ؟
بعدك يزيد الشوق يا جعلي افديك !
لك وحشتن من بد كل البشر غير ؟
.....................................
ما اظلم الناس لو قلت مافي بالبشر مثلك
اظلمك لو قلت مثـــلــك بالبـشر ثــانــــي
....................................
قبل الرساله بيني وبينك عهــود
من ضمنها ما أعيب لو تغيب مده
وبعد الرساله لك غلا مالــه حدود
وفوق الغلا في خافقي لك مــوده
وقبل المـوده اصلــن الحب موجود
والحب قــدك وأنت بالضبط قده
.......................................
جرح الغياب اللي سكن في خفوقي
ماضمده غير كثرة حضورك على الباااال
.....................................
يا ضيقة الصدر عيت لا تخليني
ملعون ابو الحب هجره وش سوابي
لا الصبر نافع معاي ولا بقى فيني
شي يتحمل بعد واصبر ويبقا بي
وين انت ودي اشوفك يا بعد عيني
ماعاد للقلب طاقه يحمل أتعـــابي
تعال اخذني وضم ايديك بيديني
ودي اضمك قبل للعمر يفنا بي
....................................
أقسم قسم بالله لا قلت أبنساك
كذاب حدي .. لا تصدق كلامي
ارجوا ان تعجبكم
21-01-2009, 08:57 PM
♥
العرض العادي
المواضيع المتشابهه
