ظما حزني .. جديد وحصري للمنتدى

[عبدالله ال مجحود]

سفوح ٍ بالجفن ماها تحدّر وادي الخدين
عساها من ظما حزني تبل الريق وترويني

مادمع ٍ بالجفون الا تحّدر من عنا العينين
مثل وبل الهموم اللي تهامل من سما اسنيني

تذوقت المرارة ثم تعودت النوى والبين
ولكن نار ٍ بجوفي الين اليوم تكويني

ياليته ما خفى بجوفي يشال بمحمل الكفين
ثم اشكر حاشية وقتي على ماكان يهديني

تساوى بنظرتي الماضي تساوى مايجي بعدين
مجاعة للشقا لاقت مالذ ّ وتشتهي فيني

عقب جرح ٍ في قلبي من محبة ناعس الطرفين
صويب ومالقيت اللي على جرحي يداويني

انا مديت له قلبي هدية ماعطيته دين
ولاحافظ على قلبي ولا هو رد لي ديني

الا يازين لا ترجع .. يا زين ومابقى لك زين
صحيح اول ابي ترجع .. خلاص .. ابعد وخليني

ذكرت اللي مضى لي من زمان ٍ لو بقى لالحين
ماكان لمهرة همومي وسط قلبي مياديني

عسى درب ٍ يوديني مجاز ٍ في غضون اسنين
على ربعي يرجعني مثل ماكان يوديني

يقولون الربع شدوا .. الا وين الربع ناوين
عسى حروة مداهيل ٍ هواها دوم مشقيني

مع وضح ٍ مغازلها على خد ٍ مهوب يمين
الى دندن لها اللاحن تعلتها الشياطيني

تشوّق للطرب والدل مع ربع ٍ لها وافين
مع ربع ٍ لها الكايد يسوق بنفسه الليني

وجودي لو نصيت البيت والشيبان مجتمعين
وجودي يا الربع لكن جفا ذا الوقت حاديني

متى باقلّط دلال ٍ على جال اللهب حامين
مزعفرة ٍ صفاة الهيل الى جا العمس تنجيني

جفاني النوم في بعدي وكن الليلة بعامين
يطل الصبح انا ساهر حزين وماغفت عيني

مواطن مملكة ليل ٍ وبأعماقي لها توطين
على درب ٍ ذواريّه من اللاهوب تسفيني

اظل بحيرتي تايه وعني العرب لاهين
همومي .. غربتي .. حزني عن العادات تلهيني

عسى ماكادني صبري على حال ٍ عسى الله يعين
بعض بعضي مع بعضه وبعضه بيني وبيني

عسى يوم ٍ يفرحني مثل ما فرحة العيدين
قريب بمجلس اسنين يحل اليوم ويجيني

وسلاااااامتــــكم

[عبدالله ال مجحود]

قريب بمجلس اسنيني يحل اليوم ويجيني ***

> تعديل للشطر الاخير نسيت الياء

[الغروب]

الشاعر القدير

عبدالله ال مجحود

ابيات جزله وقصيدة مميزة وصح لسانك

شكري وتقديري

[ناثرة الورد]

{{ انا مديت له قلبي هدية ماعطيته دين
ولاحافظ على قلبي ولا هو رد لي ديني }}

{{ عبدالله ال مجحود }}

يعطيــك الــف عــافيه علـي هالقصيـده الرائعـه و المميـزه ....

لا تحــرمنــا جــديــدك ....

تقبـــل ::

كل الشكــر و التقــدير ....

[مطلق اليامي]

يــــاهــــلا و مرحبااااااا ( ( ( عبدالله ال مجحود ) ) ) يـــالله حيـّـــــه . . .

صــــــح لســـــانك على الابيـــــات الجزلة . . .

و يســـــ خفوقك و إحساااسك ــلم . . .

وعــــــــــــالاخرى عانك ـــلــى . . .

مــــــبـــــ وعساك على القوه ــــدع . . .

لاهنــــت وبيّــــض الله وجهـــك . . .

تـــقــــ تحيااااااااااااااااااااااااتـــي ــبــل . . .

[مناحي الصميل]

عبدالله ال مجحود


اررحب


صح الله لسانك وأعتلى شانك


أشبعتنا شعر لله درّك


تقديري وإحترامي

[" مــــابه جديــــد "]

السلام عليكم ورحمة الله وبركاته وصبحك بالخير




صح السانك ولاهنت على ذالقصيده الجزله



سلام عليكم

[عبدالله ال مجحود]

المشاركة الأصلية كتبت بواسطة الغروب

الشاعر القدير

عبدالله ال مجحود

ابيات جزله وقصيدة مميزة وصح لسانك

شكري وتقديري

صح بدنك .. ولاهنتي عالتواصل والمرور..

[عبدالله ال مجحود]

المشاركة الأصلية كتبت بواسطة ناثرة الورد

{{ انا مديت له قلبي هدية ماعطيته دين
ولاحافظ على قلبي ولا هو رد لي ديني }}

{{ عبدالله ال مجحود }}

يعطيــك الــف عــافيه علـي هالقصيـده الرائعـه و المميـزه ....

لا تحــرمنــا جــديــدك ....

تقبـــل ::

كل الشكــر و التقــدير ....

يعافيك ربي ويسلمك .. مشكووورة عالمرور ولاهنتي

[عبدالله ال مجحود]

المشاركة الأصلية كتبت بواسطة مطلق اليامي

يــــاهــــلا و مرحبااااااا ( ( ( عبدالله ال مجحود ) ) ) يـــالله حيـّـــــه . . .

صــــــح لســـــانك على الابيـــــات الجزلة . . .

و يســـــ خفوقك و إحساااسك ــلم . . .

وعــــــــــــالاخرى عانك ـــلــى . . .

مــــــبـــــ وعساك على القوه ــــدع . . .

لاهنــــت وبيّــــض الله وجهـــك . . .

تـــقــــ تحيااااااااااااااااااااااااتـــي ــبــل . . .

الله يبقيك يامطلق ويحيك .. والله ماخليت لي شي اقوله لك على هالرد ..

صح بدنك وماقصرت وبيض الله وجهك