قلت لك آسف وعني مارضيت ( للمبدع علي بن مبارك الكدادي الهاجري ) !!

[بدر ال شافي]

السلام عليكم ورحمة الله وبركاته

إليكم هذه القصيدة الجديدة متمنياً أن تنال استحسانكم جميعاً





قلت لك آسف وعنـي مارضيـت=ويش اسويلك لجل ترضى علـي
كنت اجس النبض والله ماخطيت=في دعابـه وانـت ودك تزعلـي
يامقفـي شكلـك لغيـري لقيـت=وجات لك فرصه سببها ترحلـي
يامعنينـي ليـا منـك نـويـت=بالرحيل اللـي صـداه يزلزلـي
ارفق بحالي ترى منـك اكتويـت=ونار هجرك وسط قلبي تصطلـي
ماشكيـت الا لربـي ماشكـيـت=( والله الوالي ولا غيره ولـي )
وماهقيت الصـد منـك ماهقيـت=ارجـع وتذكـر كـلامٍ قلتـلـي
يومك اتـردد لبـو تمـام بيـت=( مالحبُ الا للحبيـب الاولـي )
وين عهدك بالوفـا لا ماوفيـت=وللمواثيـق القديمـه تجهـلـي
ضاعت عهود الوفا ياللي جنيـت=والوفـا لهـل الوفـا ويجملـي
كنت اظنك مخلصٍ لـي مادريـت=انـك المقفـي وغـدرك مقبلـي
كيف تنساني وانا اللي مانسيـت=والله انـي فـي هواكـم مبتلـي
الخفـوق يفـز لامنـك طريـت=وافطنوا فيني ربوعي مَـعْ هلـي
بعدكـم مابـه ولا يـومٍ سليـت=وجمرتك وسط الحشا تغلي غلـي
ليت تدري وش حصل بعدك ياليت=كان ماتهجر ابـن عامـر علـي

.

.


للمبدع الشاعر علي بن مبارك بن عامر الكدادي

[@صدى الاهات@]

تسلم ولاهنت ياخوي بدر ال شافي على ذا الاختيار الموفق



تقبل مني خالص التحيه:

[ناثرة الورد]

السلام عليكم ورحمة الله وبركاته ....

>> بدر ال شافي <<

يعطيك الف عافيه علي هالاختيار الرائع و المميز ....

تقبل ::

كل الشكر و التقدير .....

[خالد وبس]

صح السان علي الكدادي
وتسلم يمينك على النقل الراقي يا بدر



تحياتي لك !؟

[ابونايف الوعيلي]

لاهنت اخوووي بدر ال شافي


صح لسان الشاعر الكدادي



تقبل مروري


ابونايف الوعيلي

[مانع الوعيلي]

لاهنت يابدر ال شافي وصح لسانك ولسان الشاعر ويعطيك العافيه

[][ .. خــجــل .. ][]

صح لسآن الشاعر علي الكدادي
والله يعطيك العافيه على النقل



لا هنت