ودك تشوف الذل في صورته صح ؟؟

[مسفر مبارك]

إجرح وأنا بَبْكي على قلبي إجرح
مادام لي قلبٍ يسامَحك في الحال

قلبٍ يسامح وانت تجرح ويَدْمح
أبكيه؟ولاّ أبكيك؟ ولاّ ابكي الحال؟

قلبٍ على ذكراك يمسِي ويصْبَح

صَبرَه طويلٍ لكن معاندِك طال

قلب ٍ تركتك فيه تسرَح وتمرَح
مِحتاج..حكّمْ داخل القلب.. محتال!

لو تدري المجروح وشلون يفرح
وقَفْت له مِن دَهشتِك. وقفة إجْلال

يفرَح. فرَح. مترقّب الموت. إذا أصْبَح
وهو بظنّه تالي الليل رحّال

ولاّ فرح. خاسر تجاره. بمرْبَح
فرحة غريقٍ .ساقه الموج للجال

لاشاف وجهك باسمٍ وانت تجرح
أو شافك بجرحه مع الناس تختال

ودّك تشوف الذلّ .في صورته صحّ ؟
شف دمعة ..الفرقا..على خدّ رجّال

ولاّتشوف الذلّ في صوره أوضح ؟
شف بسمة المقتول. في وجه قتّال

::
::

أعجبتني ونقلتها لكم وللأسف الشديد لاأعرف شاعرها