هـاجــس البــعد ,,

[عايض الوقدان]

بسم الله الرحمن الرحيم ,,,

السلام عليكم ورحمة الله وبركاته ,,

مـــساء // صباح الخير , ,

اقدم بين ايدكم قصيده جديده واتمنى ان ترقى لمستوى ذائقتكم الشعريه ,,

فــي سكة الحزن رحت وجيت=لقيت حزني من اعماقي
احاول اخفيه مير ازريت=الحزن باين من احداقي
الشمس غابت وانا مليت=من هاجس البعد وفراقي
غنيت يا الغايبه غنيت=ونثرت بوحي على اوراقي
عساني ارتاح لا عديت =شعر(ن) منابعه خفاقي
والشعر ملجاي لا عانيت=من ضيقة الصدر لاضاقي
ياساكن القلب مثل البيت =وين انت يا سيد عشاقي
اتخيلك جيت وانت اقفيت=واشوف طيفك مع اشواقي
بالله ابنشدك ما حنيت=لملامس إيــديّ و عنـــاقــي

وســـلامتكــم ,,

عـــــايض العجمي ,,

[محمد نادر سويد]

الاخ عايض العجمي

صح لسانك على الهجينيه

الجزله الجميله لاشك من

شاعر جزل تقبل مروري

وتحياتي

اخوك

[مسفر بن درّام]

صح لسانك يا عايض ولا هنت
قصيدة وافية وجزلة
تحياتي لك

[محمد الغيثاني]

مرحبا بك وبجديدك الرائعه يا عايض

وبيض الله وجهك على القصيده الرائعه والجزله

[سعيّد ابوجعشه]

عايض صح السانك على القصيده الجزله ولاهنت وفي انتظار جديدك

[عايض الوقدان]

محمد نادر الشامري ,,,


صـــح بدنــك والله لا يهينــك على المرور , , ,

[عايض الوقدان]

مسفــر بن درام

لاهنت طال عمرك وصح بدنك

لا خلا ولا عدم , , ,

[عايض الوقدان]

محمد الغيثاني ,,,

صح بدنك والله لا يهينك على المرور الرائع , , ,

[عايض الوقدان]

سعــيد ابـو جعشه , , ,


صح بدنك يا الذيب وعساك على القوه , , ,

[فيصل الشامري]

اتخيلك جيت وانت اقفيت
واشوف طيفك مع اشواقي

الله الله

لاهنت وصح لسانك ,,

مبدع يا عايض ,,

جعلك ما تحرمنا من هالطله الزينه ,,

وبإنتظار جديدك ,,