جديد الشاعر : ضيـدان بن قضعــان

[مسفر مبارك]

السلام عليكم

هذه قصيده جديده للشاعر: ضيدان بن قضعان العرجاني

راكب اللي يوم عديت الغويبه=شفت سلوى قبل تبدي لي تماني
كنها تقلع وهي في القاع اديبه=عيطموسٍ ما تهيّا بالتماني
وارد الـ بي أم سجتها عجيبه=ماقضب سكانها ولد الهداني
كنّ قحوف عيونها حجّان شيبه=جاتني عاما من سعود آل ثاني
لو ركبها جاهلٍ تعطيه هيبه=خلّ عاد اللي حليف لقحطاني
منوة اللي هاوي شوفة صحيبه=مبطي عنه وحاديه الزماني
تنحر اللي مالكٍ قلبي بطيبه=شيخ قومٍ ما يدانون الهواني
سعد عيني به عقب طول المغيبه=شوفته عندي مثل عيد رمضاني
ابن شافي محزم اللي ينتخي به=لا غدت عشر المنافق والثماني
بني هاجر كل أبيها تعتزي به=ولا أنا يامي واعده من خواني
احمد بن مبارك اللي بان شيبه=من مباديه العلوّ من الطماني
المراجل كلها في وسط جيبه=اشهد أنه جامعٍ كل المعاني
من بغى درب المراجل يقتدي به=لا يهوجس في فلان ولا فلاني
لا نصيته لو علي اكبر مصيبه=رحت كنه ما حداني ما حداني
والظفر بالمرجله ماهي غريبه=ورث رأسه من عريبين المجاني

المصدر: خـــــــــــــــــــاص

[الغروب]

مسفر مبارك

مشكور على اهدائنا من < مصدر خـــــــــــــاص > رائعة الشاعر الكبير ضيدان

تسلم وصح لسان شاعرنا ...تقبل شكري

[ياميـه والكـبرللـه]

تسلم يامسفر ودمت لنا يامبدع

[خالد وبس]

من بغى درب المراجل يقتدي به
لا يهوجس في فلان ولا فلانـي
لا نصيته لو علي اكبر مصيبـه
رحت كنه ما حداني ما حدانـي



الله الله الله

مبطي من ابداع ابو منصور .. اللي كذا / صح السانه وتسلم يمناك


تحياتي لك

[سعد بن بصيص ال فنيس]

صح لسااااااااااااااان
قايلها
وناقلها
ومصدرها
وقاريهاا
مشكووووووووور
وتقبل مروووووووووري,,,

[فلاح بن ملبز]

ارحب يا ابو مبارك

وصح لسانك ولسان ابن قضعان

ويعطيك العافيه على هالنقل الجزل

والله لايهينك

[مسفر مبارك]

لولين
:
هلابك يالغلا
:
أسعدني مرورك وتواجدك في متصفحي
:
أجمل التحاايا ...!

[فـارس]

ابو مبارك

صح الله لسانك ولسان ابن قضعان

وشكرا لك على نقلها والله يعطيك العافيه

[سعيّد ابوجعشه]

تــســلـــم يــمــيـــنـــكـ يـ أبومبارك على النقل الرائع

وصح ألسان الشاعر الكبير ضيدان بن منصور ( أبوتركي )

[عـسـاه خـيـر]

لاهنت ابو مبارك على النقل الجميل وصح السان ضيدان على القصيده الررائعه