ألا يالهبوب الباردة عجَلي هبي ^^^ على جاش من قامت هواجيسه أتلوبه

[الشيخه]

مساكم الله بالخير


قصيده جميل ومن شاعر الجزله واحد اعلام الساحه الشعريه والمتميزين بها : سعد بن جدلان الاكلبى

اترككم معها بامل ان تنال على رضاكم .....

ألا يالهبوب الباردة عجَلي هبي = على جاش من قامت هواجيسه أتلوبه
أنا مرةٍ أصحى ومره يغيبي = وأسَرح مــــعا كثر الطواري بغيبوبه
ألا يادهر ماهو بحقٍ تلاعبي = وخليتني لمقَرد الخـــــلق لعبوبه
أعبادٍ مغفلها الزمان وتعجبي = يحسبون قل المال فالرجل عذروبه
وأنا قانعٍ باللي علي كاتبه ربي = ومومن بمقدوره وقانع بمــــــكتوبه
ولا أبغى عما الاريا برايه يجربي = وهو ماعرف ماجوب ربي ومــاجوبه
هذور المجالس راعي المدح والسَبي = وهو بالخلا لو جاه بنتٍ خذت ثوبه
يقولون لي جز من تصرفك وتحَبي = وهي توبتي من مجتمعهم هي التوبه
ديار الوباء من طبها راح متوبَي = وقرَابة الجرباء على الحول مجروبه
أنا عارفٍ منصاي إلا من بدانبَي = وعارف طريقي والذي باتجه صوبه
وأنا أعرف من أعادي وأنا أعرف من أحبَي = وبه ناس لاتعرف ولاهي بمحبوبه

منقوله لشاعرها : سعد بن جدلان الاكلبى

[مسعطر]

قصيدة لابن جدلان .. وش تبوني اقول ..!!!
صح لسااانه مليار تقفاها مليار ..

أختي الشيخة صح لسانش و نقلش
إختيار موفق

تقبلي مروري..

[شيخة الغلا]

مثل ما قال أخوي مسعطر

قصيدة لابن جدلان .. وش تبوني اقول ..!!!
صح لسااانه مليار تقفاها مليار

وصح نقلك يالشيخة .. ولاهنتي


تقبلي مروري بين صفحاتك العطره

ديـار الوبـاء مـن طبهـا راح متوبَـي
وقرَابة الجرباء علـى الحـول مجروبـه
أنـا عـارفٍ منصـاي إلا مـن بدانبَـي
وعارف طريقـي والـذي باتجـه صوبـه
وأنا أعرف من أعادي وأنا أعرف من أحبَي
وبـه نـاس لاتعـرف ولاهـي بمحبوبـه



ياسلام ياسلام ياسلام

بن جدلان . ماعليه كلام .

صح الله لسانش ولسانه يالشيخه .

لاهنتي ع النقل

سلام

[صـــبـــــــــآ]

صح لسااان شاعرها المبدع
وتسلم ايدينك على اختيارك الرووووعه

بانتظار جديدك اختي الشيخه