اقطع يدي لو تركي الميزاني هو الي يكتب قصايده

[الزير سالم]

(اقطع يدي لو تركي الميزاني هو الي كتب قصايده في شاعر المليون لانه شاعر محاروه ولايجيد شعر النظم ولو سحبت من الشعراء الجوالات في المسابقه ماكان يقدر يكتب شي من القصايد وفي احد كان يساعده)... طبعا الكلام مو لي الكلام ...
للشاعر والاعلامي قبلان السويدي الشمري ذكره في لقاء في قناه الواحه في برنامج شعراء من الخليج.
لقاء ناري فجر فيه قبلان السويدي قنابل مدويه وتصريحات ناريه الحلقه من اولها تفجير في تفجير...
قبلان السويدي رئيس تحرير مجله الخليج ونظم الكثير من الامسيات الناجحه وله علاقات واسعه مع الشعراء من هنا كان لكلامه اهميه او غرابه او مفاجاه...
وانتقد لجنه شاعر المليون وان هناك من هو افضل منهم وانهم لايستحقون ان يكونا في اللجنه
وخاصه تركي المريخي... وانتقد تسميته لتركي الميزاني بشاعر الوطن فقاطعه المقدم ان هذا راي تركي وهو حر...
واتحدى مره ثانيه وذكر ان تركي الميزاني صديق له ويعرفه معرفه قويه وانه يتحداه يكتب قصيده نظم قويه مثل الي قدمها في شاعر المليوون...

ولكن بعد هذا اللقاء بديت افكر واحسبها والفها يمين ويسار
هل من الممكن يكون تركي ماكتب قصايده اللي شارك فيها بشاعر المليون ؟؟
خصوصاً ان تركي ماكان له قصايد قبل كذا؟؟
واكيد هالتسائل دار بذهن الكثيرين غيري بعد اللقاء ؟؟

يعني قبلان السويدي قدر يلفت الناس لهذا الموضوع ويشكك في شاعرية تركي ؟؟

[ماجد عبدالكريم]

الزير سالم تشكر علي طرح الموضوع


بالنسبه للشاعر قبلان انا شاهدت البرنامج وكان جري وصادق وقولته اقطع يدي اتوقع ان اللي كتب لتركي القصايد هو قبلان الشمري والا ماكان يفضحه كذا ويقول اقطع يدي والغريب ان المتهم ملتزم الصمت وكأن التهمه تثبت عليه

الكل شاهد شاعر المليون من قبل لانسمع كلام الاخ قبلان

فالبدايه سرق تركي شطر لخادم الحرمين الشرفين عندما قال شرب المصايب مثل شرب القهاوي والملك فهد يقول شرب المصايب مثل شرب الفناجيل وقد فضحه علي المسعودي

وبعدها سرق بندر بن سرور عندما قال تركي النفس شرك والخطايا طير وبندر يقول النفس طيرن والخطايا محابيل نفس الفكره

وما خفي ان اعظم

تقبل مروري اخي

[عـسـاه خـيـر]

كلام العاقل يطيح نصه .. ما ننقص في حق كل شاعر اخي العزيز ليست هناك دلائل قويه على قبلان السويدي . نرجوا التاكد قبل كل شي لان هذا الكلام غير معقول .

صحيح تركي الميزاني شاعر محاوره لاكن هذا ما يغير في انه يكتب نظم !


اتمنى التاكد في والتيعن في هذا الموضوع ..


دمت اخي بــود وهناء

أخيك / عساه خير*
,,

[بطاح]

الزير سالم تشكر علي طرح الموضوع .,

الشاعر تركي شاعر قوي وما علية كلام وما فية اثبات مع السويدي بأتهام تركي الميزاني .,

[فهد ال سليمان]

يعطيك العافيه يالزير سالم
على الموضوع أنا شفت القابله
بصراحه كانت مقابله جريئه ثاني شي من قبلان السويدي
الاي يبيع شعر لشاعرات هههههههه هل هذا حقا شاعر؟
والشاعر تركي الميزاني معروف وله جماهيره وعشاقه

[مدرك]

اشكرك يا الزير سالم على الموضوع اللي طرحته
الحقيقة ان قبلان السويدي هدم البيت بما فيه ياجماعة الخير لقائه كله تجريح في تجريح( ابن فطيس اقل من انه يفوز بشاعرالمليون وعلي المسعودي مايصلح في اللجنة لان ماعنده جنسية.... وغيره كثير) ولو ان المذيع مارده من الكثير الاجابات كان ضوا العيد الحقيقة ان هذي المقابلة اساءت له اكثر مما افادته ولاينبغي منه هذا الكلام اللي ماقاله الا لتسليط الاضواء عليه........... وكفانا تجريح يا اخوان
وسامحوني على الاطالة

[شامان بوحدين المري اليامي]

الشاعر تركي الميزاني كالشجرة المثمرة لايقذفها الا من يعيضهم ثمرها ولمطيري قصيده جزل وكفاه أنه شاعر محاورة قوي والي يرتجل القصيد في ثواني ليس صعب عليه أن يأتي بجزل القصيد.

والسويدي أول مرة أسمع به ومجلة الخليج من المجلات الصفراء للأسف.


أما كلام الأخ عبدالكريم بسرقات تركي.

أقول له تمعن في القصيد جيدا خصوصا القديم وتلقى لكلام جواب.

[al-king]

اشكرك يا الزير سالم على الموضوع اللي طرحته

الحقيقة انا ماشفت مقابلة قبلان وأنا أحد المعجبين بالشاعر تركي المطيري بس يشهد على الله إني يوم سمعت قصيدة تركي في الملك عبدالعزيز رحمة الله عليه في شاعر المليون وأنا أقول القصيدة هذي ماهي من تركي والسبب لأن من قارن بين قوة هذه القصيدة وقصائد تركي اللي نشرها في شريطة المسجل سوف يجد الفرق ،،،، وأما موضوع شاعر الوطن فهذا موضوع أعتقد إنه أكبر من تركي لأن الوطن يوجد فيه من الشعار الكبار مانعجز من عدهم.
وشكرا" لكم على سعة صدوركم ودمتم

[ابونايف الوعيلي]

تركي الفين شــــاعر بلامنازع وهو اللي رجع المحاوره لعصورها الذهبية وكلن صار يعرف المحاورة وشد الشباب على مواويله وصوته الزين ومحاوراته الناجحه ولكن تقول هو مايكتب قصايده اذا كان يبدع قافه قدام الصفوف وقدام اقوى الشعار والجمهور ترى عادي انه يكتب قصيدة ياطويل العمر ولاهنت يالزير وهذي وجهة نظر لااقل ولااكثر
اخوووك ابونايف الوعيلي

[ابن مخلص الشامري]

ابو نايف الوعيلي هرجت فاصبت

الشاعر تركي ماعليه كلام له شعبية كبيرة بالخليج وسمعته طيبه
عند كل القبايل

اما من ناحية انه مايكتب نظم
ماتتذكر قصيدته( ماني بجازيك بصدك وحرمانك)
اما راعي اليد الي يقول اقطعوها خبل ولا عنده سالفه
يبي يشتهر على حساب تركي
تحياتي