قليل الدين ما منّه مسرّه

[البركان الثائر]

صباح الخير للجميع
عسي تحوز علي رضاكم

أذا عدّيت يـا كثـر أصدقايـه=ولكن هم قليل(ن)في النهايـه
علي وقت الرخاء كثر الجرادي=ولا فيهم علي الشـدّه مرايـه
فتف(ن)للصديـق القلبـانـي=أذا قفي يسـوي لـه روايـه
يسولف من خياله في خياله=يبي يكسب من الفتنه دعايه
قليل الدين مـا منّـه مسـرّه=قرين أهل النميمه والوشايـه
حريب الطيب شبهه من يوّده=تغر الناس نفسه في البدايه
يقول القول ما يـدري بقولـه=لسانه تنطلق منـه الرمايـه
وهماز(ن) ولماز(ن) وكـاذب=ويدلي بين خلـق الله برايـه
ألا يا الله تنصـر كـل مسلـم=ولا ترفع لغير الديـن رايـه
وترحمني وتعفو عن ذنوبـي=وتهديني علـي درب الهدايـه
يا رب الخلق علام السرايـر=ونورك يهتدي به كـل تايـه
وأنا من فضل رب البيت شاعر=ومن در البحر شلت الكفايه
جواهر وسط راسي مختزنها=لها عندي من الحايف حمايه
أبيع بسوقها وأشري لهجسي=عليها من هواجيسي وصايه
ولو ضاقت علي الناس الوسيعه=من أنهار السحاب أروي ضمايه
وعلي عد الروي ميراد هجسي=ولا يقصر عن الجمه رشايه
وحرفي معترف لي بالهزيمه=ولي مقصد ولي نيه وغايه
ومن طاوع علي الحشمه نصونه=ومن قاوم علي قسم العنايه

[سعود الخويطري]

وأنا من فضل رب البيت شاعر = ومن در البحر شلـت الكفايـه
جواهر وسط راسـي مختزنهـا = لها عندي من الحايـف حمايـه
أبيع بسوقها وأشري لهجسـي = عليها من هواجيسـي وصايـه
ولو ضاقت علي الناس الوسيعه = من أنهار السحاب أروي ضماي



الله الله




صح الله لسانك يـ البركان الثائر وكفو والله اني صادق





شاعر متالق ومتميز بكل حالاتك ودمت لـ الابداع والتميز





وتقبل سلامي واشواقي

[مسعطر]

فتف(ن)للصـديـق القلبـانـي=أذا قفـي يسـوي لـه روايـه
يسولف من خياله فـي خيالـه=يبي يكسب من الفتنـه دعايـه

الله يقلل جنسه.

صح لسانك قصيدة جزلة

تقبل مروري.

[البركان الثائر]

الاخ سعود
بيض الله وجهك يا القرم
والله يعطيك العافيه
لك مني الشكر والتقدير

[البركان الثائر]

الاخ مسعطر
مشكور لا هنت يا القرم
لك مني الشكر والتقدير وبيض الله وجهك

[عـسـاه خـيـر]

لاهنت



وصح الله السانك يا الشاعر على القصيده الرائعه.

[الفرس]

وحرفي معترف لـي بالهزيمـه

*************************** ولي مقصد ولي نيـه وغايـه

ومن طاوع علي الحشمه نصونه

************************** ومن قاوم علي قسـم العنايـه


رهيبه رهيبه .. كلمات قويه .. وان دلت فعلى صلابه صاحبها ..

تقبل مروري ..

[بطاح]

صح لسانك قصيدة جزلة

تقبل مروري.

[البركان الثائر]

الاخت الفرس مشكوره والله يعطيك العافيه

[حمد الدليهي]

لو كنت ممن يرتدون القبعه لرميتُها ولكن لست ممن يرتدونها

صح السانك بعدد حبات الرمال