داريت همي

[زاير من بعيد]

((داريــت هـمّـي))



وين الوليف اللي به القلب مسرور
أقفى واضمى خافقي من شرابـه

عاندت من اجله أحاسيس وشعور
واثـري ادوّر خافقـي فــي سـرابـه

هلّت دموع العيـن والقلـب مكـدور
ليتـه يــداري علّـتـي فــي غيـابـه

شكيته اشعاري من ايّـام وشهـور
وداريـت همّـي فـي بحـور الكتابـه

بـيـتٍ يبكـيـنـي إذا بـــت مـقـهـور
وبـيــتٍ يـعـانـق ونـتــي بالـربـابـه

ليتـه يجـي ويضمـد القلـب بزهـور
ويثج في رمضى خفوقـي سحابـه

اتعـبـنـي بـغـيـابٍ تـبـنّـاه مــغــرور
مـغـرور مــن زيـنـه ولــذّة جـوابــه

صوبني بسهمٍ فتـك قلـب مأسـور
وخـلانـي اتـجـرع مـــرارة عـذابــه

ما شفت مثله وبكذا صرت معـذور
معـذور فـي حـبٍ تباهـا وزهـا بــه

خلٍّ سكنّـي وشيّـد بقلبـي قصـور
قـــادر يمـوتـنـي بـحـضـرة جـنـابـه

قلبي له الملفى وحبي له السـور
وفـي محجـر عيونـي لحبـه رحابـه

يتعبنـي بغيابـه وانـا اقـول ذا جــور
ولا من حجب صوتـه تجينـي كآبـه

متـى تبـدل غيبتـه فـرحـة حـضـور
متـى تبسـم فرحـتـي باللـقـا بــه


( ينابيع السبيعي )
منقوله
زاير من بعيد

[فهد بن محسن]

الاخ \ زاير من بعيد

تسلم والله يالغالي على النقل المميز ... تحياتي لك

وصح لسانك ولسان .. ينابيع السبيعي

تحياتي لك

[زاير من بعيد]

حياك الله بن محسن
صح بدنك
زاير من بعيد

[ابومحمد الشامري]

لا هنت اخي العزيز زاير من بعيد على القصيدة الرائعة صح لسانك يا السنافي

[زاير من بعيد]

صح بدنك الشامري
ولا هنت
زاير من بعيد