يالجرح ما خذني ورايح على وين ؟؟؟؟؟

[عزوتي يام]

هاذي قصيده أعجبتني للشاعر الشاب
خالد خزيم السهلي
واللي أتوقع له مستقبل باهر في الساحه الشعريه

أخليكم مع القصيدة
*
*
*
ادري خيانه يعني لو هـي خيانـه؟؟؟

ماعاد تفرق جرحي ان صار جرحيـن

بينـي وبيـن الضيـق خـوه وميانـه

وهو معي موجود في الزيـن والشيـن

أصـلا زمانـي مـا يبينـي زمـانـه

حتى الفرح لاشافني قال "ولييييييـن"!!

لاصـرت غايـه ولحقتـك اللعـانـه

مـا تنفعـك لكـن ولا لا و بعـديـن

ابغـى الاجابـه منـك وبكـل امانـه

يالجرح ماخذني ورايح على وين؟؟..؟؟

حسبي على اللي بـاع قلبـي وحنانـه

فوقه غروره زاد بلـه علـى الطيـن

اللي وهبتـه كـل مـا أملـك عشانـه

اللـي خترتـه بـد كـل المزايـيـن

محد(ن) يسد بطيحه الشخـص خانـه

مثل الجمل لاطـاح جتـه السكاكيـن

حالـي بعـد فرقـاه ثابـت مكـانـه

متعـود الصدمـات قلبـه ولا يلـيـن

وحاله كسيف(ن) ضـاع منـه كيانـه

ندمـان حايـر مبتلـش بالملاعـيـن

دان الوفـا والحيـن كـل شـي دانـه

هذي سـوات اللـي يخـون المحبيـن

وهن الرجـل لا صـار سبـه فلانـه

أحسن يمـوت بنـار تشعـل براكيـن

هذي سـوات الجـرح بطلـق عنانـه

وآخر خبر دمعات حزن(ن) على العين

ما عاد تفرق حتى لـو هـي "خيانـه"

معانقه الصدمات جرحي مـن سنيـن



وسلامتكم..

عزوتي يام

[عجميه الرس]

عزوتي يام


صح لسان قايلها وتسلم يد ناقلها

[سنبله]

صح لسانك ولسان قايلها

[بدر العرجاني]

عزوتي يام

سلمت على النقل الجيد وتقبل مروري

[عزوتي يام]

عجميه الرس** سنبله**بدر العرجاني
شاكر لكم مروركم اللي أثلج صدري
ولاهنتوا

عزوتي يام