محاورة العشّاق

[ابو محسن]

اخواني الاعزاء كثيراً ما تدور الاحاديث بين الاحباب وتتخللها معاني وعبارات عذبه ولكن عندما تترجم هذه المعاني على شكل قصيدة يكون لها وضع آخر ووقعها في النفس مختلف.
اقدم لكم هذه القصيدة ذات الطابع المختلف وارجو ان تحوز على بعض الرضا:
محاورة العشاق

قـالت عليك اخاف من نظرة العين = نظـرة عيونـك يـا حبيبي خطيره
اخـاف عينك تسرح ايسـار ويمين = وتـقـول خلّي ودّي اشـوف غيره
وقـلـت انـا يازيـن بالله يا زيـن = وش هـالـكـلام الّي عـلينـا تثيره
كل الجمال ان صـار في غيرك ايشين = مـا فـيـه مـثلك في عـيوني مثيره
قـالـت احـبك حب صافي من اسنين = مـا غـيـّره طـول الـزمان وقصيره
بـيـن البشـر واحسب تـراهم ملايين = مـاغـيرك احـد(ن) صرت انا له اسيره
واقول انـا يـاسـيـد كـل الـمحبين = مـفـتـاح قـلبي في يـديـنـك تـديره
كـل الـبـنـات اقـول كـل الـمـزايين =جـنـبـك خـدم وانتي عـلـيـهم اميره
قـالـت رضـيـت وخاطري طاب ذلحين= يـاشـوق تـرضيني الـمعـاني الغزيره
ابـشـر بـحـب(ن) مـايجي مثله اثنين = حـب(ن)يـخـلـيـني بـحـبـك جديره
واقول يـا بـعـد الـحـضر والبداوين = ويـابـعـد مـن يـمـشـي بوسط الجزيره
حـبـك تـمـلـكـّني بـلـيـّا قـوانـين =يـاروح روحـي يـالـحـيـاة الـوثـيره

[move=right]وسلامتكم[/move]

[راكان اليامي]

حبـك تملكّنـي بلـيّـا قوانـيـن
يـاروح روحـي يالحيـاة الوثيـره

الله الله صح لسانك ياذيب

[فهد بن محسن]

الاخ العزيز \ ابو محسن

حياك الله يالسمي .. وصح لسانك يالغالي

قصيدة جزلة ... وائعة .. صح لسانك مليون ولا يكفوون

تحياتي لك يابو محسن

[عبدالله الوعيلي]

لا هنت يا ابو محسن

على محاورة العــــــــــــشاق

تسلم يا الغالي

[ذيب القوم]

مشكور والله لايهينك علاا هلمحاوره

ويعطيك الف عافيه

[ابو محسن]

اخوي راكان اليامي تسلم يالغالي وشكرا على المرور والمشاركة

[محمد]

لاهنت يابو محسن

[بدر القلوب]

في البداية
في الحقيقه في بعض اللحظات يرغب الانسان
في ان يقرا بعض القصايد والتي يغلب عليها طابع الغزل
وانا لااخفيك بانني بين الحين والاخر
استمتع بقرائة القصائد الغزلية
خاصه عندما اكون مرهق
فانا اضع عني وعثاء الارهاق بقرائتي للقصائد
ولا يخفيك بانني استمتع بقراءة قصائدك
فانت تطربني دائما
فقصائدك اصبحت تعلو في الافق فاستمر ايها الشاعر الكبير
انتهى

ابو محسن ارحب يالله حيه وشلونك عساك طيب

وشذالزين طال عمرك

صح لسانك مليون مره وبيض الله وجهك يالذيب

[ابو محسن]

الاخ الغالي / فهد بن محسن يشرفني مرورك يالغالي والمشاركة معي

[ابو محسن]

تايه الغربه / هلا بالغالي الله لا يهينك وشكراً