عهدنا من يام وهشام وعجيم ووعيل

[البركان الثائر]

قصيده في صاحب السمو الملكي الأمير سلمان بن عبدالعزيز
حفظه الله

الحيا والوسم والخير في مقدم سهيل=شمس نجد اليوم بيّن شعاع شروقها
أشرقت شمس الجزيره بعد ستين ليل=والسحايب مع قدومه تلوح بروقها
ما علي رب المخاليق شئ(ن)مستحيل=والقبايل من مطرها تبل عروقها
وسم يلقي راعي الذود في الفيضه مقيل=والزبيدي في طرفها وري رقروقها
سيدي سلمان يا الليث يا الحر الأصيل=ظل شعب المملكة كلّها من فوقها
والقبايل والنعم ما بهم واحد ذليل=طيبات افعالها وطيب(ن)منطوقها
سيدي لامن تبرّي عميل(ن)من عميل=سيدي حنّا لها والعمار نسوقها
دام حكم الشرع يقضي مع السيف الصقيل=عزّكم والحنظليله تموت عروقها
بيض الله وجه من هوّن الحمل الثقيل=ما نقص الأجواد مقدارها وحقوقها
أنتم أهل الحكم والجود والقدر الجليل=والأمانه مالها ألا صدر صندوقها
وأنتم أهل الحلم والعرف كلّه والجميل=ترفع البيضاء لمثلك علي شاهوقها
وأنت يا سلمان مالك مع العالم مثيل=والقصايد فيك يفخر بها طاروقها
وأنت غيث(ن)للجزيره وطب(ن)للعليل=وكم شعوب(ن)من يمينك تبل حلوقها
كل وادي من هماليل هماله يسيل=لين يصفق في محيط البحر صافوقها
وأنت يا سلمان للكود والكايد تشيل=وأنت حاكم نجد منك العدل فاروقها
طال صبر طويق يا أمير والليل الطويل=ونجد ترسل مع نسيم الهبايب شوقها
أنت بعد الله للدار والعالم وكيل=فوق روس أهل الكرم من جميلك طوقها
أشقر(ن)لا هد للجول صيّاد الجزيل=لأقبلت نطّاحها ولأدبرت لا حوقها
وأنت قصرك للمسايير ما يبغي دليل=كل طرق(ن)تاصله ما تضيع طروقها
صاحب الحاجه يدلّه مع عابر سبيل=وكم نفوس(ن)فكّها الله من معتوقها
المعادي من يديّنك يذوق الحنظليل=وأنت للصاحب عذوق النخيل يذوقها
وأنت حلال الصعيبات يا الظل الظليل=وكم كبود(ن) راح يا أبو فهد حاروقها
والرياض اليوم يا سيدي ورد ونخيل=روضة(ن)يزوم نوارها وزملوقها
التطوّر بان فيها عسي عمرك طويل=وقبل من قصر لين أبو مخروقها
وعهدنا من يام وهشام وعجيم ووعيل=حافظينه لو تفك الصقور اسبوقها
دون دين الله ودون الوطن لا ما نميل=أن رقص شيطانها وأن وقف زاروقها
ننطح الهيجاء وحنّا هل اليوم المهيل=والقلوب الخايفه ينقطع معلوقها
وأنت زيزوم الشجاعه ليّا هاب الذليل=عشقتك والمرجلها سيدي معشوقها
حاتميّ الكف يا أمير يفداك البخيل=ويخزي الله من عهود الرجال يبوقها
في المواقيف الصعيبه لكم حيله وحيل=ولأجلكم نبيع الأنفس لغالي سوقها
ودلّة الرسلان يعبالها بن(ن)وهيل=والخلايق خالق الكون هو مرزوقها
والله الباقي وكل الخلايق للنثيل=وكم دفن في باطن الأرض من مخلوقها
وفيك نظم القيل ينظم من الوزن الثقيل=والقريحه فتّحت مبهمات اغلوقها
وأحمد الله سيدي ما بعد جبت الهزيل=والمثايل سبّلت طيبات اعموقها
وللرسول أزكي التحيّه عدد وبل المخيل=وعد ما حنّت ودنّت رعود حقوقها

[راكان اليامي]

لاهنت يالبركان وقصيده جزله ياقرم

[البركان الثائر]

لا هنت يا راكان وينك مبطين من كتاباتك وتعليقك
عسي منتب زعلان

[سعود الخويطري]

والقبايل والنعم ما بهم واحد ذليل=طيبات افعالها وطيب(ن)منطوقها
سيدي لامن تبرّي عميل(ن)من عميل=سيدي حنّا لها والعمار نسوقها
دام حكم الشرع يقضي مع السيف الصقيل=عزّكم والحنظليله تموت عروقها
بيض الله وجه من هوّن الحمل الثقيل=ما نقص الأجواد مقدارها وحقوقها
أنتم أهل الحكم والجود والقدر الجليل=والأمانه مالها ألا صدر صندوقها

...
..
.
وعهدنا من يام وهشام وعجيم ووعيل=حافظينه لو تفك الصقور اسبوقها
دون دين الله ودون الوطن لا ما نميل=أن رقص شيطانها وأن وقف زاروقها
ننطح الهيجاء وحنّا هل اليوم المهيل=والقلوب الخايفه ينقطع معلوقها
وأنت زيزوم الشجاعه ليّا هاب الذليل=عشقتك والمرجلها سيدي معشوقها
حاتميّ الكف يا أمير يفداك البخيل=ويخزي الله من عهود الرجال يبوقها





ياسلام ياسلام




شاعر جزل ويستاهل الامير سلمان بن عبدالعزيز كل خير





ونعم بالمادح والممدوح وبيض الله وجهك



وتقبل سلامي واشواقي

الخويطري

[راكان اليامي]

موجود لبى كبدك والله لايجيب الزعل

[ابومحمد الشامري]

صح لسانك يا البركان على القصيدة الجزلة ولا تبطي بجديدك يا السنافي

[البركان الثائر]

الاخ سعود الخويطري لا هنت وبيض الله وجهك

[البركان الثائر]

الاخ راكان لا هنت وبيض الله وجهك

[البركان الثائر]

الاخ ابو حمد لا هنت وبيض الله وجهك

[فهد بن محسن]

الاخ الشاعر


البركان الثاير








صح الله لسانك مليوووووووووووون ولا يكفوووووووووون يالبركان









صح لسانك واعتلا شانك ولاهنت على كتابة هذه الرائعه


في امير الرياض








تحياتي لك



اخوك
فهد بن محسن