نوره الحوشان ( يا عين هلي صافي الدمع هليه )

[ابومحمد الشامري]

كانت تعيش الشاعرة نورة الحوشان في بلدتها بمنطقة القصيم مستورة مع زوجها عبود بن علي بن سويلم إلى أن وقع بينهما خلاف أدى إلى طلاقها طلاقاً لا رجعة فيه ، وبعد الطلاق تقدم لها الكثير من طالبين الزواج حيث أنها امرأة جميلة ومن عائلة معروفة ومحافظة ، وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي .
وذات يوم كانت تسير على طريقٍ يمر بمزرعته وبصحبتها أولادها منه، وعندما مرت بالمزرعة رأته فوقفت على ناحية المزرعة وانطلق الأولاد للسلام على أبيهم وبقيت تنتظرهم إلى أن رجعوا إليها فأخذتهم وأكملت مسيرها ، وقد تذكرت أيامها معه وتذكرت من تقدم لخطبتها بعد الطلاق ورفضُها لهم فقالت قصيدتها المشهورة التي يتداول الناس منها البيت الأخير الذي أصبح مثلا دارجا بين الناس ولكن أغلب مرددي هذا المثل لا يدركون قصة هذا البيت الذائع الصيت في منطقة الخليج كلها وإليكم قصيدتها الرائعة:

يا عين هلي صافي الدمع هليه=واليا انتهى صافيه هـاتي سريبه
يا عين شوفي زرع خلك وراعيه=هذي معاويده وهذي جليبــه
في مضى ياما لرايه انماليه= واليـوم جيتهم عــلينا صعـيـبـه
إن مرني بالدرب ما أقدر أحاكيه=إمصيبة يا كبرها من مصيبـــة
اللي يبينــا عيّت النفس تبغيه =واللي نبيه عيّ القدر لا يجيبه

[ضيدان بن مترك]

اللي يبينا عيّت النفـس تبغيـه
واللي نبيه عيّ القدر لا يجيبـه

نشكرك يابوحمد علي الأبداع والقصيده الرئعه وليس غريب عليكم الأبداع وشكرا....

[ابومحمد الشامري]

مرحبا بالاخ العزيز غالب تشرفت بمرورك ولا هنت يا السنافي

[النـايف]

أبو حمد

لا هنت والله على نقل هذا الأبداع اللي يدل على ذوقك الراقي .. والله يعطيك العافيه ..

النايف

[هداج تيماء]

لا هنت يا بو حمد على الاختيار الرائع

[الشاعر نايف الشمري]

صح لسان نوره الحوشان والله يسلم ايدين اللي نقل هالنقل الرائع وانا اشهد انها قصيده جزله وبيض الله وجهكـ اخوي ابوحمد الشامري....



اخوكـــ.. ولد الطنايا ابو تركي.....

[ابومحمد الشامري]

المشاركة الأصلية كتبت بواسطة النـايف

أبو حمد

لا هنت والله على نقل هذا الأبداع اللي يدل على ذوقك الراقي .. والله يعطيك العافيه ..

النايف

ولا انت يا النايف وما قصرت يا السنافي على الكلام الطيب وما عليك زود

[ابومحمد الشامري]

المشاركة الأصلية كتبت بواسطة هداج تيماء

لا هنت يا بو حمد على الاختيار الرائع

ولا انت يا هداج وما قصرت يا السنافي على الكلام الطيب وما عليك زود

[ابومحمد الشامري]

المشاركة الأصلية كتبت بواسطة الشاعر نايف الشمري

صح لسان نوره الحوشان والله يسلم ايدين اللي نقل هالنقل الرائع وانا اشهد انها قصيده جزله وبيض الله وجهكـ اخوي ابوحمد الشامري....



اخوكـــ.. ولد الطنايا ابو تركي.....

وجهك ابيض اخي العزيز نايف الشمري ويا مرحبا فيك في مجالس العجمان شرفت يا السنافي