يسعدني ويشرفني الانضمام الى هذا الكيان العظيم
بأول قصيده انزلها هنا
سلام ربي عد من طاف الحرم والا اعتمر=على الهنوف اللـي رمتنـي لعنبـو جدينهـا
على الذي من زينها يطمر لها قلبـي طمـر=ويفـز كلـه مـن عروقـه لامشـت رجلينهـا
وقفـت اطالـع زينهـا لقيتهـا مثـل القـمـر=سبحان من خلى القمر ياخذ حلا من زينهـا
يازينهـا لـو قلـت مــره ماتكفيـنـي عـمـر=وش عـاد لـو رددتهـا يازينـهـا يازينـهـا
ام الدلع في عينها تذكار واحساس وسمر=الله فرقها بالحلا عـن غيرهـا مـن طينهـا
فيها ملامح طاغيه واللـي دمـر قلبـي دمـر=عيونهـا لاسلهمـت ياشيـخ ينصـر دينـهـا
عيونها بس العيـون لحـال تغمرنـي غمـر=والا الوصوف الباقيه لبى حـلا رمشينهـا
الخشم كنه سيف ابن خطـاب سيدنـا عمـر=خشـمٍ يخلـي مـن تباهـى بالحـلا مسكينهـا
والفـم ذوق وشفتينـه كلهـا مبـسـم حـمـر=لامـن تكلـم ودك ان النـاس تستـر شينهـا
والخصر كن الجوع دايم في حياته مستمر=مـره يميـل يسارهـا ومـره يميـل يمينـهـا
والمشكله واللي بلاني زود والادهى وامر=ياكثر ماتشبـك يدينـي فـي كفـوف يدينهـا
واليا لمست كفوفها تقول شارب لي خمـر=اضيع ويتعتع لساني من خجـل فـي حينهـا
في وقتها لو شفت اسد يمكن اقول انه نمر=ماعاد افرق وادري اني ضعت كلـي بينهـا
ياويل من هو صار مثلي مايحـب الا قمـر=ماهوب قايل غير حاجه والبلا مـن زينهـا
لبيه يااحلى من غزاه الزين ياثلـج وجمـر=ياللـي عيونـك ضيعتنـي لعنبـو رمشينهـا
وسلامتكم
تقبلو خالص تحياتي وتقديري
اخوكم / احمد الحربي
06-08-2006, 08:20 AM
العرض العادي
