النساء والتصويت

[فراشة الكويت]

السلام عليكم ورحمة الله وبركاته

أخواني بصراحه حنا قاعد تواجهنا مشكله

بأن بعض رياجيل العجمان قاعدين يمنعون النساء من التصويت

وبصراحه لا أعرف السبب يعني التصويت راح يكون في

مدارس بنات وغير مختلط وخاص فيهم ...

يعني ماني عارفه لافيه عيب ولامنقود وبعدين في هالوقت

حنا بحاجة كل صوت عشان المرشحين ,,,

والمشكله الثانيه بعض النسوان الله يهداهم لاقلنالهم

للأسف يقولون يعني صوتي بيفرق لو أصوت للأسف لازلوا يجهلون

مدى أهمية صوتهم هالأيام لأن كل القبايل الثانيه نسوانهم بيصوتون

وفي نظرهم أنه عادي مايفرق مايدرون أن صوت واحد يفرق ..

أتمنى أسمع أرائكم ...

فراشة الكويت

[أبو مسعود]

اولاّ يعطيش العافيه على هالبادرة الممتازه


ثانياّ تصويت النساء صار دخيل علينا بما انه اول مرة يعني الواحد يستنكر انه يجيب حرمته تصوت مو متعود عليها


والله يوفق الجميع


وتحيتي لش

[خالد المحفوظي]

مشكورة يا اخت فراشة الكويت والله اللي يقصر من العجمان بصوته ما فيه خير يعني نجي للنسوان اذا بقول منقود ليه تخلي البنت موظفة او تروح جامعه يعني ما جاء المنقود الا في التصويت!!!!
المره تطلع مع السايق الضحى ولا تخلي سوق الا ما تروح له والمدرسه قدام بيتها ولا تروح تصوت لربعها ؟؟؟!!!

وحنا ما نتشائم والعالم واعين وفيهم خير بس يجي دور الاخوات اللي في اللجان النسائية بالتوعيه وطولة البال وان شاء الله انهم بحضرون

[بن جابر]

حقوق الزوج والأولاد والبيت >>> أولى لها من حقوق التصويت


وشكراً للأخت فراشة على إجتهادها في هذا الموضوع

[موكب]

مشكوووووووورة يا فراشة الكويت ولازم الموضوع هذا يفعل بين نساء القبيلة لانه مهم وترا الامر عادي ولا ياخذ من وقت المراه ساعه زمن وان شاء الله ان الامور مطمئنه وعليكم يا نساء العجمان بالوصيه لبني عمكم

[سعود الخويطري]

شكرا لك على الطرح




ولاصار الوضع حساس مثل الان يجب على الجميع الحرص على النساء للتصويت




وتصويت النساء أصبح واقع وحقيقة لأمفر منها



وتقبل سلامي واشواقي

الخويطري

[راشد العتل]

اولاّ يعطيش العافيه على هالبادرة الممتازه


ثانياّ تصويت النساء صار دخيل علينا بما انه اول مرة يعني الواحد يستنكر انه يجيب حرمته تصوت مو متعود عليها


والله يوفق الجميع


وتحيتي لش

[أبومحمد]

بكل صراحة أنا أشكر الاخت فراشة على طرح هذا الموضوع.......



منو ألي مايخلي الحريم مايصوتون هذا وللاسف أنسان مافيه فزعه أول شي
وأنهم مايرحون للانتخابات عيب مهي من أفعالنا... هذا أنسان متحجر جداُ للغاية
الدعوه كنها أنتخابات الجمعية لهم الحريم لجان نسائية وبالكامل المدرسة نسائية
والمكان بعيد عن أنتخابات الرياجيل الفزعه الفزعه يعيال مرزوق واللة ان خسرنا كرسي بس صرنا مضحكتن للناس لعنبوكم لحد ينسى ذا الكراسي لنا
مهيب لهـــــــــــــــــــــــــــــــم



الموضوع فراشة بصراحة ممتاز....

شكراُ تحياتي لكم
أبو محـــــــــمد

[ابو صوت]

عيب وشق جيب

[*صاحب الفخامة*]

بالعكس يا أخوي ابو صوت انا مع الاخت فراشة الكويت وإن التصويت ماهوعيب ولاهو حرام ومافيها شي...
وإلي مهو بجايب أهله يصوتون اسمحولي أقوله مافيه خير وتفكيره متحجر
والمرشح يمثل العجمان كلها((وخل يحط نفسه مكان المرشح ويحس بحاجته للأصوات الرجاليه والنسائيه))
وبعدين ترا الحريم ما يقلون أهمية عن الرياجيل
ويا اخــــــــــواني أكلمكم بجد فكروا بالموضوع وبأهميته و التصويت ما ياخذ منهم 5 دقــــــايق والمدارس كلها حــــــــــــريـــــــــم
ممكن من الأخ أبوصوت يــبــيــن لي ليه (((((عيب وشق جيب)))))!!!!!!!