(روس الجبال معرّضة للشظايا) قصيدة ابالجيش في شيخ العجمان الشيخ خالد بن حثلين

[مسعطر]

السلام عليكم ورحمة الله و بركاته ,,

هذة قصيدة للشاعر المبدع عبدالرحمن ابا الجيش ,,
في شيخ قبيلة العجمان : الشيخ خالد ابن راكان ابن ضيدان ابن حثلين ,,

قد لي شهر و ازود و انا ودي اهديك=هديـّة ٍ ماهيب مثل الهدايا
لاهيب تفقرني .. ولا هيب تغنيك=لو وقعها من بين عوج الحنايا
تبقى مع التاريخ و الكتب تنبيك=فـ /الواجهة ماجات بين الزوايا
سلام من راسي ْلـ /راسك.. ْو ناصيك=أزّكى سلام ٍ ينشهر فـ /البرايا
( خالد ولد راكان ) و أسَّمك يكفّيك=إمارة ٍ .. ْتكف كل النحايا
ماهوب خافيني ولا هوب خافيك=روس الجبال معرّضة لـ /الشظايا
و انت الجبل شامخ ملاذ ٍ مذاريك=لا برّكت ثقل الحمول المطايا
يا ذُخر من ضاقت عليه المساليك=تاقف.. ْو من وقفة.. ْتحل القضايا
شيخ الشيوخ اللّي .. ْكبار ٍ هقاويك=يا مرجع الشَّيخان ماهي حكايا
ْشيوخ شمل ٍ من عهود المماليك=من عاد شيخان القبايل رعايا
مِقدم جموع .. و قبلك اخيك و ابيك=يوم المهار ْتعن وسط السرايا
دايم و شبحك فوق هذي مبدايك =ذي ميزتك من بين عِدّة مزايا
ناسب سميّ الناس مثل المساويك=ما فازوا إلا بـ /الخزا و الهرايا
تنقز على هذي و تنقز على ذيك=كنْها كُرات الدمَّ وسط الخلايا
يا محمل ٍ قامت تقطّع عراويك=و .. ْتدفـّه التجّار بين الشرايا
من لا ورد على حياض المداريك=ما جابت الأبل لـ /المراح الوصايا
يا ( وادي العجمان ) مكبر عزاويك=ْتحوّل الشَّجعان مثل الهوايا
هذي هديـّة من محبّك و مغليك=و حنّا هل الوقفات و أهل الحمايا

دمتم بحفظ الله ,,

[فهد ال مفرح الضاعني]

( خالد ولد راكان ) و أسَّمك يكفّيـك

إمـارة ٍ .. ْتكـف كـل النحـايـا

يا ( وادي العجمان ) مكبر عزاويك

ْتحـوّل الشجعـان مثـل الهـوايـا

عزالله يستاهل ابوركان وصح السان عبدالرحمن اباالجيش وعز الله انك صدقت

وصح السانك وبيض الله وجهك

لك تحيه يا مسعطر وبيض الله وجهك ومشكور على الطرح

[راكان اليامي]

يستاهل المدح الشيخ خالد بن راكان ولاهنت يامسعطر وصح لسان ابالجيش

[سعود الخويطري]

خالد ولد راكان ) و أسَّمك يكفّيـك = إمـارة ٍ و ْتكـف كــل النحـايـا
ماهوب خافينـي ولا هـوب خافيـك = روس الجبال معرّضـة لـ/الشظايـا

...
..
.

شيخ الشيوخ اللّي .. ْكبار ٍ هقاويـك = يا مرجع الشَّيخـان ماهـي حكايـا
ْشيوخ شمل ٍ من عهـود المماليـك = من عـاد شيخـان القبايـل رعايـا
مِقدم جموع .. و قبلك اخيك و ابيـك = يوم المهـار ْتعـن وسـط السرايـا



الله الله الله الله



صح الله لسان عبدالرحمن ابالجيش



ونعم في امير القبيله / خالد بن راكان بن ضيدان بن حثلين



وسلمت يمناك على القصيده الوافيه ودائما مبدع مبدع مبدع



وتقبل سلامي واشواقي

[مسعطر]

المشاركة الأصلية كتبت بواسطة فهد ال مفرح الضاعني

( خالد ولد راكان ) و أسَّمك يكفّيـك

إمـارة ٍ .. ْتكـف كـل النحـايـا

يا ( وادي العجمان ) مكبر عزاويك

ْتحـوّل الشجعـان مثـل الهـوايـا

عزالله يستاهل ابوركان وصح السان عبدالرحمن اباالجيش وعز الله انك صدقت

وصح السانك وبيض الله وجهك

لك تحيه يا مسعطر وبيض الله وجهك ومشكور على الطرح

صح بدنك يا ابو منصور ,,
و مشكور على مرورك الراقي ,,
يا مرررحباااا و مسهلاااا ,,

[بندر العجمي]

يستاهل المدح الشيخ خالد بن راكان ولاهنت يامسعطر وصح لسان ابالجيش

[تــــــــــلاب]

الف نعم في شيخ القبيلة الامير خالد بن راكان الحثلين .. و يستاهل الطيب الامير .. و صح لسان عبدالرحمن ابا الجيش ..
ولاهنت اخوي مسعطر على القصيدة الرائعة .. تقبلي مروري و تحياتي ..

[مسعطر]

المشاركة الأصلية كتبت بواسطة راكان اليامي

يستاهل المدح الشيخ خالد بن راكان ولاهنت يامسعطر وصح لسان ابالجيش

ولا ندمت يا ابو سالم ,, و مشكوور على مرورك الراقي يالشيخ ,,
يا مرررحبااااا و مسهلااااا ,,,

[عايض الوقدان]

ونعم بالممدوح والمادح والناقل



مسعطر مميز دائماً ..



واصل ابداعك يا جميل

[مبارك آل قناص]

يستاهل المدح الشيخ خالد بن راكان ولاهنت يامسعطر وصح لسان ابالجيش